Mituna ya batangi

Buku ya bomoi ya Nzambe ezali nini, mpe eloko nini nasengeli kosala mpo ete nkombo na ngai ekomama kuna mpe ebatelama?

Mikapo mingi ya Biblia mimonisi ete Jéhovah Nzambe azali na “Mokanda”, to “buku”, kati na yango azali kokoma nkombo ya bato na sembo oyo bakoki kolikya kozwa bomoi ya seko, na likolo soko mpe na mabelé.

Na makolo, Nzambe ya solo azali komona bato ya kondima oyo babongi kondimama epai na ye mpe kozala na boongo na ye. Tozali kotanga na ntina na Bayuda mosusu ya ntango na Malaki ete: “Bongo, baoyo batosaki Jéhovah balobanaki. . . mpe Jéhovah ayokamelaki bango, ee ayokaki bango. Mpe mokanda na kokanisa ekomamaki liboso na ye mpo na baoyo bazalaki kotosa Jéhovah mpe kobanga nkombo na ye.”​—Malaki 3:16.

Longwa eleko na Abele, emonani ete Nzambe azali kokoma, lokota soko azalaki kokoma kati na mokanda, nkombo ya bato oyo bakoki kosombama, baoyo akokanisa lisusu mpo na bango mpo ete apesa bango bomoi ya seko. (Matai 23:35; Luka 11:50, 51) Baklisto bapakolami, bango mpe lisusu, bazali na “bankombo na bango ekomami na buku ya bomoi”, to mokanda ya bikaniseli. Yango ekopesa bango nzela ya kozwa bomoi ya seko; mpo na bango, ekozala bomoi na makolo (Bafilipi 4:3; 3:14, 20) Nzokande, mpo na baoyo bazali “kokamwa” liboso na nyama na yauli”, Emoniseli 17:8 elobi: “nkombo na bango ezangi kokomama na buku na bomoi longwa na bozalisi na mokili.”

Ezali te mpo ete Nzambe azwi ekateli ya kokanisa lisusu mpo na moto moko mpe kondima (kokoma nkombo na ye “na buku ya bomoi”) ete azali na elikya makasi ya kozwa bomoi ya seko, lokola soko etangamaki bongo mpe akoki kobongwana te. Moie asalaki libondeli oyo epai na Jéhovah mpo na Bayisraele: “Nde sikawa, soko olingi kolimbisa lisumu na bango . . . kasi soko boye te nabondeli yo ete olongola nkombo na ngai na mokanda na yo mokomi yo.” Nzambe ayanolaki ye boye: “Soko nani asaleli ngai lisumu, ye moto nakolongola na mokanda na ngai.” (Exode 32:32, 33) Ee, ata soko Nzambe asili kokoma kati na “mokanda na ye” nkombo ya moto oyo andimi, ekoki kosalema ete moto yango azanga botosi to ayangana kondima na ye. Na ntango yango, Nzambe “akoboma nkombo na ye na mokanda na bomoi”.​—Emoniseli 3:5.

Sikawa, soko nkombo na biso esili kokomama kati na “buku ya bomoi” to “mokanda na bikaniseli” ya Nzambe, tosengeli kozala ntango nyonso na kondima. Soko tokokisi lisengami oyo, wana nkombo na biso ekobatelama kuna. Bobele bongo, baoyo bakosekwisama na ntango ya “lisekwa ya bato bazangi sembo” bakozwa libaku ya komonisa kondima mpo ete nkombo na bango ekomama na buku yango (Misala 24:15) Bato yango oyo bakokomama bakotya makasi mpo ete nkombo na bango ebatelama libela. Ezali bongo mpo na baklisto bapakolami oyo bazali komimonisa “sembo, ata kino liwa”. (Emoniseli 2:10; 3:5) Mpo na baoyo bazali na elikya ya kozala na bomoi na mabelé, soko bamimonisi sembo uta sikawa, mpe na nsima na boumeli ya mbula nkoto ya Klisto mpe na ntango ya momekamo ya nsuka oyo esengeli koya mpe kosukisa makambo. bongo nkombo na bango ekotikala libela “ekomami kati na buku ya bomoi”.​—Emoniseli 20:5-15.