Watchtower MIKANDA OYO EZALI NA INTERNET
Watchtower
MIKANDA OYO EZALI NA INTERNET
Lingala
  • BIBLIA
  • MIKANDA
  • MAKITA
  • w13 1/8 lok. 16
  • Biyano na mituna ya Biblia

Video ezali awa te.

Esimbi te. Video oyo esali mwa mindɔndɔ.

  • Biyano na mituna ya Biblia
  • Linɔ́ngi ya Mosɛnzɛli eyebisaka Bokonzi ya Yehova—2013
  • Masolo mosusu
  • Pusaná penepene na Nzambe na libondeli
    Biblia eteyaka mpenza nini?
  • Kobondela Nzambe ezali likambo ya lokumu monene
    Makambo oyo Biblia eteyaka
  • Mabondeli oyo mazali kondimama
    Linɔ́ngi ya Mosɛnzɛli eyebisaka Bokonzi ya Yehova—1988
  • Mabondeli nini mandimami na Nzambe?
    Linɔ́ngi ya Mosɛnzɛli eyebisaka Bokonzi ya Yehova—1991
Makambo mosusu
Linɔ́ngi ya Mosɛnzɛli eyebisaka Bokonzi ya Yehova—2013
w13 1/8 lok. 16

BIYANO NA MITUNA YA BIBLIA

Nzambe ayokaka mabondeli nyonso?

Nzambe ayokaka bato ya bikólo nyonso. (Nzembo 145:18, 19) Biblia, Liloba na ye, elendisi biso toyebisaka ye makambo nyonso oyo etungisaka biso. (Bafilipi 4:6, 7) Kasi, mabondeli mosusu esepelisaka Nzambe te. Na ndakisa, asepelaka te moto azongela mabondeli oyo akangá na motó.​—Tángá Matai 6:7.

Lisusu, Yehova ayinaka mabondeli ya baoyo batyolaka na nko nyonso mibeko na ye. (Masese 28:9) Na ndakisa, na ntango ya kala Nzambe aboyaki koyoka mabondeli ya Bayisraele oyo bazalaki koboma bato na nko. Ezali polele ete tosengeli kokokisa masɛngami mosusu mpo Nzambe ayoka biso.​—Tángá Yisaya 1:15.

Tosengeli kosala nini mpo Nzambe ayoka biso?

Tokoki te kobondela Nzambe soki tozangi kondima. (Yakobo 1:5, 6) Tosengeli kondima mpenza ete azali mpe atyelaka biso likebi. Tokoki kokómisa kondima na biso makasi soki tozali koyekola Biblia, mpo kondima eutaka na makambo ya solosolo mpe na bilaka oyo ezali na Liloba ya Nzambe.​—Tángá Baebre 11:1, 6.

Tosengeli kobondela na motema moko mpe na komikitisa. Ata mpe Yesu, Mwana ya Nzambe azalaki na komikitisa ntango azalaki kobondela. (Luka 22:41, 42) Na yango, na esika ya koyebisa Nzambe makambo oyo asengeli kosala, tosengeli nde kotángaka Biblia mpo tóyeba makambo oyo azali kosɛnga biso. Boye, mabondeli na biso ekoyokana na mokano na ye.​—Tángá 1 Yoane 5:14.

Mpo na koyeba makambo mosusu, talá mokapo 17 ya buku oyo, Biblia eteyaka mpenza nini?, ebimisami na Batatoli ya Yehova

Okoki kozwa yango na Internet na www.pr2711.com

    Mikanda na Lingala (1984-2026)
    Bimá
    Kɔtá
    • Lingala
    • Kotindela moto
    • Makambo oyo olingi
    • Copyright © 2025 Watch Tower Bible and Tract Society of Pennsylvania
    • Ndenge ya kosalela
    • Kobomba makambo ya moto
    • Kobongisa makambo na yo
    • JW.ORG
    • Kɔtá
    Kotindela moto