Mokolo ya kozanga te

Na butu ya nsuka liboso akufa, Yesu ayebisaki bayekoli na ye ya sembo ete bákanisaka liwa na ye. Asalelaki mampa ezangá levire mpe vinyo ya motane oyo ezalaki liboso na bango, abandisaki molulu oyo tobengaka Elambo ya Mpokwa to Bolei ya Mpokwa ya Nkolo, mpe alobaki ete: “Bókoba kosala boye mpo na kokanisa ngai.”​—Luka 22:19.

Mbula na mbula, Batatoli ya Yehova na mokili mobimba bayangaka mpo na kokanisa liwa ya Yesu na dati oyo akufaki. Na mbula oyo, dati ya Ekaniseli yango ekwei na mokolo ya yambo 14/04/2014, nsima ya kolala ya moi.

Tobengisi yo na likita yango. Soki oyei, okoyoka diskur oyo ekomonisa ntina ya liwa ya Yesu. Kokɔta ezali ofele. Tokɔngɔlaka mabonza te. Moto oyo apesaki yo mokanda oyo akoki koyebisa yo ngonga mpe esika oyo Ekaniseli ekosalema na esika ofandi; okoki mpe komona yango na site Internet na biso, na jw.org. Kobosana mokolo yango te, tobanzi ete okozanga te.