Biblia elobi nini?

Nzambe nde abimisaka bampasi?

Okopesa eyano nini?

• Ɛɛ

• Te

• Ntango mosusu

Oyo Biblia elobi

“Nzambe ya solo akoki kosala mabe ata moke te, mpe Mozwi-ya-Nguya-Nyonso akoki ata moke te kosala makambo oyo ezangi bosembo!” (Yobo 34:10) Nzambe te nde abimisaka mabe mpe bampasi oyo ezali lelo na mokili.

Oyo Biblia elobi lisusu na likambo yango

• Satana Zabolo, “mokonzi ya mokili” oyo nde moto ya libosoliboso oyo abimisaka bampasi.​—Yoane 14:30.

• Mbala mingi mabe mpe bampasi ebimaka mpe mpo na bikateli ya mabe oyo bato bazwaka.​—Yakobo 1:14, 15.

Bampasi ekosila mokolo mosusu?

Bato mosusu bakanisaka ete bato bakoki kosilisa bampasi soki bapesani mabɔkɔ, kasi bamosusu bamonaka ete ezali mwa mpasi mokili ebonga mpenza. Okanisi nini?

Oyo Biblia elobi

Nzambe akosilisa bampasi. “Liwa ekozala lisusu te, ná lilaka ná koganga ná mpasi ekozala lisusu mpe te.”​—Emoniseli 21:3, 4.

Oyo Biblia elobi lisusu na likambo yango

• Nzambe akosalela Yesu mpo asilisa bampasi oyo Zabolo abimisá.​—1 Yoane 3:8.

• Bato ya malamu bakofanda na kimya libela awa na mabele.​—Nzembo 37:9-11, 29.