Biblia elobi nini?

Armagedone ezali nini?

Bato mosusu bakanisaka . . .

ete ekozala kobebisama ya mokili mobimba na nzela ya bibundeli ya nikleere. Yo okanisi nini?

Oyo Biblia elobi

Armagedone ezali esika ya elilingi oyo “etumba ya mokolo monene ya Nzambe Mozwi-ya-Nguya-Nyonso” ekosalema mpo na kosilisa mabe na mokili.​—Emoniseli 16:14, 16.

Oyo Biblia elobi lisusu na likambo yango

• Nzambe akoyeisa etumba ya Armagedone, mpo na kobebisa mokili te, kasi mpo na kolongola yango na mabɔkɔ ya bato oyo bazali kobebisa mabele.​—Emoniseli 11:18.

• Etumba ya Armagedone ekosilisa bitumba nyonso.​—Nzembo 46:8, 9.

Bato bakobika na etumba ya Armagedone?

Okopesa eyano nini?

• Ɛɛ

• Te

• Ntango mosusu

Oyo Biblia elobi

“Ebele mpenza ya bato” oyo bauti na bikólo nyonso bakobika na “bolɔzi monene,” oyo ekosuka na etumba ya Armagedone.​—Emoniseli 7:9, 14.

Oyo Biblia elobi lisusu na likambo yango

• Nzambe alingi ete bato mingi bábika na etumba ya Armagedone. Mpo na bato mabe, etumbu oyo asengeli kopesa bango ezali kaka liwa.​—Ezekiele 18:32.

• Biblia emonisi oyo tokoki kosala mpo na kobika na Armagedone.​—Sefania 2:3.