Maloba ya ebandeli

NZAMBE AKIPAKA YO?

Ntango likama moko eyei to ntango bato bazali konyokwama mpe bazali kokufa, ekómelaka biso tómituna soki Nzambe amonaka yango mpe soki akipaka mpenza bato. Biblia elobi:

“Mpo miso ya Yehova ezali kotala bayengebene, mpe matoi na ye ezali koyoka lilɔmbɔ na bango; kasi elongi ya Yehova ezali kotɛmɛla baoyo basalaka makambo ya mabe.”​—1 Petro 3:12.

Linɔ́ngi ya Mosɛnzɛli oyo elobeli ndenge oyo Nzambe asalisaka biso mpe makambo oyo azali kosala mpo na kosilisa bampasi nyonso.