Nzambe ayokaka ndenge nini ntango ozali komona mpasi?
Bato mosusu bakanisaka ete Nzambe amonaka bampasi na biso te mpe akipaka yango te.
TALÁ OYO BIBLIA ELOBI
Nzambe amonaka mpe akipaka yo
“Yehova amonaki ete mabe ya moto ezalaki mingi na mabele . . . , mpe ayokaki mpasi na motema na ye.”—Ebandeli 6:5, 6.
Nzambe akosilisa bampasi nyonso
“Etikali kaka mwa ntango moke, moto mabe akozala lisusu te; mpe okotya mpenza likebi na esika na ye, akozala te. Kasi bato ya komikitisa bakozwa mabele, mpe bakosepela mpenza na kimya mingi.”—Nzembo 37:10, 11.
Nzambe alingi nini mpo na yo?
“‘Mpo ngai nayebi malamu makanisi oyo nazali kokanisa mpo na bino,’ yango nde liloba ya Yehova, ‘makanisi ya kimya, kasi ya mpasi te, mpo na kopesa bino bomoi malamu na mikolo ezali koya mpe elikya. Mpe bokobenga ngai mpenza, bokoya, bokobondela ngai, mpe ngai nakoyokela bino.’”—Yirimia 29:11, 12.
“Bópusana penepene na Nzambe, mpe ye akopusana penepene na bino.”—Yakobo 4:8.