Makabo mpo na mosala oyo la Société azali kosala na mokili mobimba ezali kopesa nzela na bokóli
Lokola Yisaya 54:2, 3, esakolaki yango, losambo ya pɛto ya Yehova ezali kokóba kopalangana na mabelé mobimba. Ezali yango nde ezali kosalema mingimingi na mikili mikeseni ya Afrika, mpe na bisanga oyo bizali zingazinga. Na boumeli ya mbula zomi oyo euti koleka, bipekiseli oyo bizalaki likoló na mosala ya Bokonzi bisili kolongolama na mikili lokola Angola, Cameroun, Éthiopie, Guinée équatoriale, Madagascar, Malawi, Mozambique mpe Togo. Kati na mikili wana mpe na mikili mosusu epai bilanga biteli mpo na kobuka mbuma, basili kotinda bamisionere ya Gileadi, bato bazwi mapɔlɔ́mi na Eteyelo mpo na kobongisa basungi, basangani ya libota ya Betele mpe basakoli mosusu.—Mat. 9:37, 38.
Ezali solo ete bokóli ya motángo ya basaleli ya losambo ya solo kati na lisangá ya Yehova ezali kosɛnga botongi ya ebele ya Bandako ya Bokonzi. Esengeli lisusu kotonga Bandako ya mayangani; kotonga mpe kokólisa bafiliale. Ndambo monene ya makabo oyo mazali kotindama epai na la Société mpo na mosala oyo azali kosala na mokili mobimba ezali kosalelama mpo na kosalisa na misala wana, mpe na bokóli ya mosala ya Bokonzi bobele na Afrika te, kasi lisusu na biteni mosusu ya mokili.
Bafɔtɔ́ mpe bililingi oyo ezali na nkasa mibale ya siplemá oyo ezali kosalisa biso na komona oyo la Société azali kosala mpo na Afrika. Tozali komona mwa bandako mosusu oyo ezali kotongama mpe bandako mosusu oyo ekobanda kotongama mosika te.
Na kotaleláká etánda ya lapólo ya mokili mobimba kati na Annuaire 1996, okoyeba mpenzampenza malamu mosala oyo basakoli bazali kosala na mikili wana. Mingi kati na mikili yango ezali kozwa bokóli monene, mpe ebele ya bato oyo bayanganaka na Ekaniseli ezali komonisa ete elikya ezali mpo na bokóli kitoko na mikolo mizali koya. Ntango tozali kokanisa na makambo oyo mosala ya kosakola mpe ya kozalisa bayekoli ezali kopesa nzela na kosala na mikili misusu, tokokanga ntina ya libaku malamu oyo tozali na yango ya kopesa mabɔkɔ na matomba ya losambo ya solo na makambo matali mosolo.—Luka 16:9; 1 Tim. 6:18.
[Elilingi na lokasa 3]
Ndako ya Bokonzi oyo etongamaki na boumeli ya mikolo 9 na mboka KwaZulu-Natal, na Afrika ya Súdi
[Elilingi na lokasa 3]
Ndako ya Bokonzi oyo esɛngaki mosolo mingi te, na Nigeria
[Elilingi na lokasa 3]
Na Mozambique, Ndako ya mayangani oyo ezali na bisika ya kofanda 1 500, oyo ekokoka kosila kotongama na nsuka ya mobu 1996
[Elilingi na lokasa 3]
Bandako ya filiale ya Mozambique, oyo ekosalelama kobanda na automne 1996
[Elilingi na lokasa 3]
Filiale ya Sierra Leone, oyo ekosila kotongama na été oyo
[Elilingi na lokasa 4]
Maurice: Ndako ya mayangani esili kotongama, mipanzi nyonso mizali polele, mpe bandako ya filiale ekosila kotongama na prɛntá 1997
[Elilingi na lokasa 4]
Filiale ya Zimbabwe, ezali kotongama
[Elilingi na lokasa 4]
Ndako ya Bokonzi ezali na mipanzi nyonso polele mpe filiale ezali kotongama na Sénégal
[Elilingi na lokasa 4]
Filiale ya sika na Kenya na Nairobi, mboka-mokonzi
[Elilingi na lokasa 4]
Filiale ya Madagascar, ekómi pene na kosila kotongama
[Elilingi na lokasa 4]
Esika oyo filiale ya Malawi ekotongama