Watchtower MIKANDA OYO EZALI NA INTERNET
Watchtower
MIKANDA OYO EZALI NA INTERNET
Lingala
  • BIBLIA
  • MIKANDA
  • MAKITA
  • km 9/05 lok. 8
  • Salisá basusu ‘bátosa na motema mobimba’

Video ezali awa te.

Esimbi te. Video oyo esali mwa mindɔndɔ.

  • Salisá basusu ‘bátosa na motema mobimba’
  • Mosala na biso ya Bokonzi—2005
  • Masolo mosusu
  • Ozali na “motema ya botosi”?
    Linɔ́ngi ya Mosɛnzɛli eyebisaka Bokonzi ya Yehova—1998
  • “Bolingo ya Nzambe elakisi boye”
    “Bótikala na kati ya bolingo ya Nzambe”
  • Botosi na yo ezali na motuya na miso ya Yehova
    Linɔ́ngi ya Mosɛnzɛli eyebisaka Bokonzi ya Yehova—2007
  • Toyekola botósi na kondimáká toli
    Linɔ́ngi ya Mosɛnzɛli eyebisaka Bokonzi ya Yehova—1992
Makambo mosusu
Mosala na biso ya Bokonzi—2005
km 9/05 lok. 8

Salisá basusu ‘bátosa na motema mobimba’

1. Yehova azali kosɛnga nini epai na basaleli na ye?

1 Botosi ezali na ntina mingi mpo na kosambela Yehova na ndenge ebongi. (Det. 12:28; 1 Pet. 1:​14-16) Mosika te, Nzambe akoyeisa etumbu likoló na “baoyo bayebi Nzambe te mpe baoyo bazali te kotosa nsango malamu.” (2 Tes. 1:⁠8) Ndenge nini tokoki kosalisa basusu ‘bátosa na motema mobimba’ mateya ya Liloba ya Nzambe?​—⁠Lom. 6:⁠17.

2. Mpo na nini ezali na ntina kosalisa basusu bákóma na kondima makasi?

2 Na kosalisáká basusu bákóma na kondima makasi mpe na bolingo: Na Makomami, botosi ezali na boyokani mpenza na kondima. Ntoma Paulo alobelaki “etinda ya Nzambe ya seko mpo na kokolisa botosi na nzela ya kondima.” (Lom. 16:26) Baebele mokapo 11 etángi ebele ya bandakisa ya bato ya kondima, oyo mingi na bango basalaki mokano ya Yehova ndenge ayebisaki bango. (Ebe. 11:​7, 8, 17) Epai mosusu, kozanga botosi ezali na boyokani na kozanga kondima. (Yoa. 3:36; Ebe. 3:​18, 19) Tosengeli kokolisa makoki na biso ya kosalela Liloba ya Nzambe mpo na kosalisa basusu bákóma na kondima oyo ekotinda bango bátosa.​—⁠2 Tim. 2:15; Yak. 2:​14, 17.

3. (a) Boyokani nini ezali kati na botosi mpe bolingo? (b) Ndenge nini tokoki kosalisa bayekoli ya Biblia na kolinga Yehova?

3 Botosi ezali mpe na boyokani na kolinga Nzambe. (Det. 5:10; 11:​1, 22; 30:16) 1 Yoane 5:3 elobi ete: “Mpo bolingo ya Nzambe elakisi boye, ete tótosaka bakomandema na ye; kutu bakomandema na ye ezali kilo te.” Ndenge nini tokoki kosalisa bayekoli ya Biblia bálinga Yehova? Ntango bozali koyekola, luká ndenge ya kosalisa ye asepela na bizaleli ya Yehova. Lobelá oyo yo moko ozali kokanisa mpenza mpo na Nzambe. Salisá moyekoli akanisa ndenge akoki kokolisa boyokani ya malamu elongo na Yehova. Oyo eleki nyonso, kolinga Yehova ekotinda basusu​—⁠ná biso moko mpe​—⁠na kotosa na motema mobimba.​—⁠Mat. 22:⁠37.

4. (a) Mpo na nini ndakisa na biso ezali na ntina? (b) Tosengeli kosala nini mpo na kokóma na ‘motema ya botosi’?

4 Na ndakisa na biso: Lolenge ya malamu koleka oyo tokoki kolendisa basusu na kotosa nsango malamu ezali ndakisa na biso. Nzokande, tosengeli ntango nyonso kosala milende mpo na kozala na ‘motema ya botosi.’ (1 Mik. 3:9; Mas. 4:23) Yango ezali kosɛnga nini? Ezali kosɛnga oleisa motema na yo na koyekoláká Biblia mbala na mbala mpe koyanganáká na makita. (Nz. 1:​1, 2; Ebe. 10:​24, 25) Luká kozala na baninga oyo bamipesi mobimba na losambo ya solo. (Mas. 13:20) Bimáká mbala na mbala na mosala ya kosakola, mpe zalá mpenza na mposa ya kosalisa bato ya teritware na yo. Bondelá Yehova asalisa yo okolisa motema ya malamu. (Nz. 86:11) Kimá makambo oyo ekoki kobebisa motema na yo, na ndakisa masano oyo elendisaka etamboli ya mbindo to ya mobulu. Landá makambo oyo ekokómisa yo penepene na Nzambe mpe ekoyeisa boyokani na yo elongo na ye makasi.​—⁠Yak. 4:​7, 8.

5. Ndenge nini bato ya botosi bazali kopambolama?

5 Yehova ayebisaki libota na ye ya kala ete akopambola bango soki bayoki mongongo na ye. (Det. 28:​1, 2) Lelo oyo mpe, Yehova azali kosopa ebele ya mapamboli epai na “baoyo bazali kotosa ye lokola azali moyangeli.” (Mis. 5:32 ) Na bongo, tokoki kosalisa basusu na kotosa na motema mobimba, na mateya na biso mpe na etamboli na biso.

    Mikanda na Lingala (1984-2026)
    Bimá
    Kɔtá
    • Lingala
    • Kotindela moto
    • Makambo oyo olingi
    • Copyright © 2025 Watch Tower Bible and Tract Society of Pennsylvania
    • Ndenge ya kosalela
    • Kobomba makambo ya moto
    • Kobongisa makambo na yo
    • JW.ORG
    • Kɔtá
    Kotindela moto