Ndenge ya kobanda lisolo

(Soki zulunalo ya Lingala ezali te bósalela ya Lifalanse)

Mpo na kobanda koyekola na bato Biblia mokolo ya pɔsɔ ya liboso ya sanza ya Yanuali

“Tolingi koyeba likanisi na yo. Mpo na yo, nkombo mpenza ya Nzambe ezali nani? [Tiká ye apesa eyano.] Talá oyo ekomami awa.” Lakisá ye Linɔ́ngi ya Mosɛnzɛli ya 1 Yanuali, lobelá lisolo oyo ezali na lokasa ya nsuka, mpe bótalela elongo makambo oyo ezali na nse ya motuna ya liboso mpe bótánga ata vɛrsɛ moko oyo ezali wana. Pesá ye bazulunalo mpe bóyokana mpo ozongela ye mpo bótalela motuna oyo elandi.

Linɔ́ngi ya Mosɛnzɛli 1 Yanuali

“Bato mingi bazali kolobela nsuka ya mokili. Okanisi ete nsuka ya mokili esengeli nde kobangisa biso? [Tiká ye apesa eyano.] Zulunalo oyo emonisi ete bato mosusu bakobika. [Tángá 1 Yoane 2:17.] Zulunalo oyo emonisi biyano ya Biblia na mituna minei oyo bato mingi batunaka mpo na nsuka ya mokili.”

Lamuká! Yanuali

“Tozali kotala bato na mabota na bango mpo na kosolola na bango makambo ya ntina. Okanisi ete ezali na ntina mabota básalela maloba oyo ya Yesu? [Tángá Misala 20:35b. Na nsima tiká ye apesá eyano.] Koteya bana báyeba kosalisaka basusu ezali mokakatano monene na mokili oyo bato balukaka kaka matomba na bango moko. Lisolo oyo elobeli makambo mosusu oyo baboti basengeli mpenza koteya bana na bango mpo báyeba kopesa basusu kilo.”