Okoki kobenga ye?

Na masangá mingi, ezali na basakoli oyo basakolaka lisusu mingi te mpo na maladi to mpo bakómi mibange. (2 Ko. 4:16) Okoki kobenga mosakoli moko ya ndenge wana mpo bókende elongo koyekola na moto Biblia? Soki mosakoli yango akɔtá ndako, mbala mosusu okoki ata komema moyekoli epai na ye. Ntango mosusu, okoki koyokana na mosakoli oyo azali ebɔsɔnɔ mpo na kosakola ndako na ndako ata mwa moke elongo na ye, to mpo na kozongela moto moko to bato mibale! Basakoli mingi oyo bakómi mibange bakómaka na mayele mingi na mosala ya kosakola. Na yango, milende na yo ekosuka kaka te na kolendisa bango, kasi yo mpe okolendisama. (Rom. 1:12) Lisusu, Yehova akopambola milende na yo ya komonisa bolingo ya ndenge wana.​—Mas. 19:17; 1 Yn 3:17, 18.