Ndenge ya komonisa molende na mosala ya kosakola

Tosengeli komonisa molende na mosala ya kosakola, mpamba te yango ezali na ntina mpo tóbika ntango ebongiseli ya makambo oyo ekosuka. Soki tozali kosalela batoli oyo elandi, oyo ezongelamaka mbala na mbala, tokoki kobakisa molende na biso.

• Bondelaká mbala na mbala mpo na Bokonzi.​—Mat. 6:10.

• Batelá motema na yo na kotángáká Biblia mokolo na mokolo.​—Ebr. 3:12.

• Saleláká ntango na yo na bwanya.​—Ef. 5:15, 16; Flp. 1:10.

• Batelá liso “alima.” Kotika te ete bamposa ya mokili elongola likebi na yo.​—Mat. 6:22, 25; 2 Tim. 4:10.

• Sɛnzɛláká na kotya likebi na ndenge bisakweli ya Biblia ezali kokokisama.​—Mrk. 13:35-37.

Soki tozali na molende, yango ekosala ete tósangana mingi na mosala oyo elingi kokóma na nsuka!​—Yoa. 4:34, 35.