Tókolisa makoki na biso ya kosakola​—Kokutana na moto nyonso ya teritware na biso

MPO NA NINI EZALI NA NTINA: Zekaria asakolaki ete bato ya minɔkɔ nyonso ya bikólo bakondima nsango malamu. (Zek 8:23) Kasi nani akoteya bango? (Ro 10:13-15) Tozali na libaku mpe mokumba ya kosakwela moto nyonso ya teritware na biso nsango malamu.​—od 84 par. 10-11.

NDENGE YA KOSALA YANGO:

• Mibongisá. Okutanaka na bato oyo balobaka minɔkɔ mosusu? Okoki kosalela programɛ JW Language mpo na koyekola ndenge ya kobanda lisolo moko ya pɛtɛɛ. To okoki kosalela aparɛyi na yo mpo na kolakisa moto ndenge akoki komona makambo mosusu na monɔkɔ na ye na jw.org

• Yebá kosalela miso. Soki ozali kosakola ndako na ndako, kolekisa te libaku ya kosakwela baleki-nzela to baoyo bazali kozela mituka. Soki ozali kopesa litatoli na bisika ya bato mingi, tyá makanisi na mokano na yo ya kopesa litatoli

• Zalá na molende. Kobá koluka baoyo bazalaki na ndako te ntango okendaki epai na bango na mbala ya liboso. Salá makasi okutana na moto na ndako nyonso; mbala mosusu okoki koya na ngonga mosusu to mokolo mosusu na pɔsɔ. Ekoki kosɛnga okomela bankolo-ndako mosusu mikanda, obenga bango na telefone to okutana na bango na balabala mpo na kosakwela bango

• Zongelá moto. Zongá nokinoki kotala moto nyonso oyo asepelaki. Soki moto yango alobaka monɔkɔ mosusu, luká mosakoli oyo ayebi monɔkɔ yango mpo asalisa ye. Osengeli kokoba kozongela moto yango tii ntango akokutana na mosakoli oyo alobaka monɔkɔ na ye.​—od 94 par. 39-40

TALÁ VIDEO KOSAKOLA TII NA “ESIKA ELEKI MPENZA MOSIKA NA MABELE,” MPE NA NSIMA YANOLÁ NA MITUNA OYO:

• 

  Ndenge nini bandeko bamibongisaki mpo na kokutana na bato na teritware ya mosika? (1Ko 9:22, 23)

• 

  Mikakatano nini balongaki?

• 

  Mapamboli nini bazwaki?

• Milende nini osengeli kosala mpo okutana na bato mingi ya teritware na yo?