Babongisami mpo na kosakwela moto nyonso

Kaka ndenge Yehova abongisaki Bayisraele, abongisaka mpe basaleli na ye lelo oyo mpo na kosala mokano na ye. Na mokili mobimba ezali na Bafiliale, bazongazonga, masangá, mpe bituluku ya mosala ya kosakola. Nyonso esalaka na bomoko mpo na kosakola nsango malamu ya Bokonzi. Tosakwelaka moto nyonso, ezala mpe baoyo balobaka minɔkɔ mosusu.​—Em 14:6, 7.

Osí okanisá koyekola monɔkɔ mosusu mpo osalisa moto ayeba solo? Ata soki ozali na ntango te mpo na koyekola monɔkɔ mosusu, okoki kosalela programɛ JW Language mpo oyekola ndenge ya kobanda lisolo na ndenge ya pɛtɛɛ. Mpe nsima ya kosalela yango na mosala ya kosakola, okoki koyoka esengo oyo bakristo ya siɛklɛ ya liboso bayokaki ntango bato ya bikólo mosusu bakamwaki ndenge bayokaki “makambo minene ya Nzambe” na monɔkɔ na bango moko.​—Mis 2:7-11.

TALÁ VIDEO KÓMÁ MONINGA YA YEHOVA​—KOSAKOLA NA MONƆKƆ YA BAPAYA, MPE NA NSIMA YANOLÁ NA MITUNA OYO:

• 

  Ntango nini okoki kosalela programɛ JW Language?

• 

  Wapi makambo mosusu oyo ezali na kati ya programɛ yango?

• 

  Minɔkɔ nini bato balobaka na teritware na bino?

• Okosala nini soki moto moko asepeli na nsango ya Bokonzi kasi azali koloba monɔkɔ mosusu?​—od mok. 9 par. 39-41