Atako Elekeli ezalaki te elilingi ya Ekaniseli, makambo mosusu ya Elekeli ezali mpe na ntina mpo na biso. Na ndakisa, ntoma Paulo abengaki Yesu “[mwana-mpate] ya elekeli na biso.” (1Ko 5:7) Kaka ndenge makila ya mwana-mpate oyo bapakolaki na makonzí ya porte ebikisaki bato, makila ya Yesu mpe ezali kobikisa bato. (Kob 12:12, 13) Longola yango, bazalaki kobuka ata mokuwa moko te ya mwana-mpate ya Elekeli. Ndenge moko mpe, ata mokuwa moko te ya Yesu ebukanaki, atako Bayuda bamesanaki kosala bongo ntango babomi moto ndenge wana.—Kob 12:46; Yn 19:31-33, 36.