Emonaneli oyo ezali kolendisa kondima na biso

9:1-7

Kanisá ndenge Yesu amiyokaki ntango Tata na ye ya likoló alobaki ete andimi ye na emonaneli oyo abongwanaki. Na ntembe te, epesaki Yesu makasi ya koyika mpiko na mpasi oyo ezalaki kozela ye. Emonaneli yango esimbaki mpe motema ya Petro, Yakobo, mpe Yoane, mpe endimisaki bango mpenza ete Yesu azalaki Masiya, mpe ebongaki báyoka ye. Mbula soki 32 na nsima, Petro abosanaki likambo yango te mpe ndenge oyo ekómisaki kondima na ye makasi na “liloba ya esakweli.”​—2Pe 1:16-19.

Atako tomonaki te emonaneli wana ya kokamwa, tozali komona kokokisama na yango. Yesu azali koyangela lokola Mokonzi ya nguya. Kala mingi te, ‘akolonga tii na nsuka,’ akofungola nzela mpo mokili ya sika ya boyengebene ebanda.​—Em 6:2.

Ndenge nini kokokisama ya bisakweli ya Biblia oyo omoni elendisi kondima na yo?