Lekisáká ntango elongo na baoyo balingaka Yehova

Mpo na nini tosengeli kolekisaka ntango elongo na baoyo balingaka Yehova? Mpo bato oyo tolekisaka ntango elongo na bango bakoki kobongisa to kobebisa bizaleli na biso. (Mas 13:20) Na ndakisa, Mokonzi Yehoashe asalaki “oyo ezali sembo na miso ya Yehova” ntango nyonso oyo azalaki elongo na nganga-nzambe monene Yehoyada. (2Nt 24:2) Nsima ya liwa ya Yehoyada, Yehoashe asundolaki Yehova mpo akómaki na baninga mabe.​—2Nt 24:17-19.

Na siɛklɛ ya liboso ya ntango na biso, ntoma Paulo akokanisaki lisangá ya bokristo na “ndako ya monene” mpe basangani na yango na “bisaleli,” to biloko ya ndako. Tokotikala “esaleli ya lokumu” kaka soki toboyi boninga na moto nyonso oyo asepelisaka Yehova te, ezala ndeko ya libota to ya lisangá. (2Ti 2:20, 21) Na yango, tókoba kosala boninga na baoyo balingaka Yehova mpe baoyo bakolendisa biso tósalela ye.

TALÁ VIDEO YEBÁ KOKIMA BANINGA MABE, MPE NA NSIMA YANOLÁ NA MITUNA OYO:

• Ndenge nini na kozanga koyeba tokoki kolekisa ntango elongo na baninga mabe?

• Na video oyo, nini esalaki ete bandeko misato bákata boyokani na baninga mabe?

• Mitinda nini ya Biblia ekoki kosalisa yo opona baninga na bwanya?