MAKAMBO YA MOTUYA NA LILOBA YA NZAMBE | EBANDELI 32-33

Ozali nde kobunda mpo na kozwa lipamboli?

Mpo tózwa lipamboli ya Yehova, tosengeli kosala makasi mpo na kotya matomba ya Bokonzi na esika ya liboso na bomoi na biso. (1Ko 9:26, 27) Ntango tozali kokokisa mikumba ya bokristo, tosengeli kozala na makanisi oyo Yakobo azalaki na yango ntango abundaki na anzelu. Tokomonisa ete tozali mpenza na mposa ya kozwa lipamboli ya Yehova soki . . .

Tozali kobongisa malamu makita ya lisangá
Tozali kosakola mbala na mbala
Tozali kosala makasi mpo na kosunga bandeko na lisangá

Bililingi: Mama oyo azali na makambo mingi ya kosala. 1. Azali kobondela na ntɔngɔ. 2. Azali koleisa mwana na ye ya mwasi liboso akende na mosala ya kosakola. 3. Na esengo nyonso azali kokende na mosala ya kosakola elongo na bana na ye ya basi mibale mpe bandeko basi ya lisangá.

Ezala ozali na mikakatano nini, bondeláká Yehova ntango nyonso asalisa yo mpe luká kozwa lipamboli na ye na milende makasi oyo ozali kosala mpo na kosalela ye.

OMITUNA BOYE: ‘Na makambo nini na bomoi na ngai nakoki kobakisa lisusu molende mpo nazwa lipamboli ya Yehova?’