BOMOI YA BAKRISTO

Zalá na komikitisa ntango basusu bakumisi yo

Na bantango mosusu, ekoki kosalema ete basusu bákumisa biso to bápesa biso longonya. Yango ekoki kolendisa biso soki bapesi yango na motema moko mpe na makanisi malamu. (Mas 15:23; 31:10, 28) Kasi tosengeli kokeba ete yango esala te ete tómimona lokola toleki basusu to mpe tozali na lokumu mingi.

TALÁ VIDEO TIKALÁ SEMBO LOKOLA YESU—NTANGO BASUSU BAKUMISI YO, MPE NA NSIMA YANOLÁ NA MITUNA OYO:

Na makambo nini basusu bakoki kopesa biso lokumu?
Ndenge nini bandeko bakumisaki Sergei?
Ndenge nini bakumisaki ye koleka ndelo?
Mateya nini ozwi na ndenge Sergei ayanolaki na komikitisa nyonso?

Elilingi oyo euti na video ‘Tikalá sembo lokola Yesu—Ntango bakumisi yo,’ ezali komonisa Sergei afandi elongo na bandeko na ndako ya ndeko mobali moko, azali koloba na komikitisa nyonso ntango bandeko bakumisi ye koleka ndelo.