Salelá buku Sepelá na bomoi libela na libela! na mosala ya kosakola

Tozali mpenza na esengo mingi ndenge tozwi mwa buku mpe buku ya sika mpo na koyekola na bato Biblia! Tozali kobondela Yehova apambola milende na biso mpo tókómisa lisusu bato mingi bayekoli. (Mt 28:18-20; 1Ko 3:6-9) Ndenge nini tokosalela bisaleli yango ya sika?

Lokola buku Sepelá na bomoi libela na libela!, boyekoli ya Biblia, emonisi lolenge ya sika ya koteya, ebongi olanda malamumalamu malako oyo ntango ozali komibongisa to ntango ozali kotambwisa boyekoli ya Biblia.a

• Tángá lisolo, mpe talelá mituna

• Tángá bavɛrsɛ oyo bakomi “tángá,” mpe salisá moyekoli akanga ntina ya bavɛrsɛ yango mpo na kosalela yango

• Lakisá bavideo mpe bólobela yango, salelá mituna nyonso oyo ezali wana

• Luká kosilisa liteya mokomoko na mbala moko

Na mosala ya kosakola, pesá liboso mwa buku mpo na koyeba soki moto yango asepeli. (Talá etanda “Ndenge ya kokabola mwa buku Sepelá na bomoi libela na libela! na Bokutani ya liboso.”) Soki bosilisi koyekola mwa buku yango na moyekoli mpe alingi kokoba, na ntango wana nde okopesa ye buku mpo bóbanda na liteya 04. Soki osí obandá koyekola na moto na moko ya mikanda oyo toyekolaka na bato Biblia, kɔtisá ye mbala moko na buku Sepelá na bomoi libela na libela! mpe talá soki ekozala malamu bóbanda na liteya nini.

TALÁ VIDEO BOYEI MALAMU NA BOYEKOLI NA YO YA BIBLIA, MPE NA NSIMA YANOLÁ NA MITUNA OYO:

• Makambo nini bayekoli ya Biblia bakoyekola na buku oyo ya sika?

• Mpo na nini ezali na ntina olakisa bayekoli ya Biblia video oyo?

• Mokemoke osengeli kolendisa bayekoli ya Biblia bámityela mpe bákokisa mikano nini?​—Talá etanda “Mokano mpe oyo okoki kosala mpo na eteni mokomoko”