Ndimá lisalisi oyo Yehova apesi na nzela ya libondeli

Yehova nde asalaka ete mboto ya solo etya misisa mpe ekola na mitema ya bato. (1Ko 3:6-9) Yango wana, mpo tólonga na mosala ya kosakola, tosengeli kosɛnga Yehova asalisa biso ná bayekoli na biso ya Biblia.

Sɛngá Yehova asalisa bayekoli na yo ya Biblia báyika mpiko na mbamba oyo bazali kotya bango mpe bálonga mikakatano. (Flp 1:9, 10) Yebisá ye makambo na bosikisiki. Sɛngá ye apesa yo elimo santu mpo etambwisa makanisi na yo mpe makambo oyo ozali kosala. (Lk 11:13) Lakisá bayekoli na yo ya Biblia ndenge ya kobondela, mpe lendisá bango bábondelaka. Bondeláká elongo na bango mpe mpo na bango, tángáká bankombo na bango ntango ozali kobondela.

TALÁ VIDEO OKOKI KOYOKA ESENGO YA KOKÓMISA BATO BAYEKOLI​—NDIMÁ LISALISI OYO YEHOVA APESI​—LIBONDELI, MPE NA NSIMA YANOLÁ NA MITUNA OYO:

• Mokakatano nini Neeta akutanaki na yango ntango azalaki koyekola na Rose?

• Ndenge nini 1 Bakorinti 3:6 esalisaki Neeta?

• Ndenge nini mokakatano oyo Neeta akutanaki na yango esilaki?