Salisá bayekoli ya Biblia bámileisaka na elimo

Mpo bayekoli ya Biblia báyeba Yehova mpe bákóma mpenza bakristo oyo bakɔmɛli na elimo, basengeli koyekola makambo mingi kasi kaka te mateya ya solo oyo toteyaka bango. (Mt 5:3; Ebr 5:12–6:2) Basengeli mpe koyekola ndenge ya komileisa bango moko na elimo.

Liboso, lakisá bayekoli na yo ndenge ya kobongisa boyekoli ya Biblia, mpe lendisá bango básalaka yango. (mwb18.03 lok. 6) Lendisá bango bábondelaka liboso ya kobanda koyekola bango moko. Lakisá bango ndenge ya kokɔta mpe ya kosalela mikanda oyo etángamaka na telefone to na tablɛti. Lakisá bango ndenge ya kotala masolo ya sika na jw.org mpe na TV JW. Mokemoke salisá bango bátángaka Biblia mokolo na mokolo, bábongisaka makita ya lisangá, mpe bálukaka biyano na mituna oyo bazali na yango. Salisá bango bákanisaka na mozindo makambo oyo bazali kotánga.

TALÁ VIDEO SALISÁ BATO OYO OYEKOLAKA NA BANGO BIBLIA BÁMILEISAKA NA ELIMO, MPE NA NSIMA YANOLÁ NA MITUNA OYO:

• 

  Ndenge nini Neeta asalisaki Rose amona ete koyekola esuki kaka te na kozwa biyano na mituna?

• 

  Nini esalisaki Rose amindimisa ete Yehova azali na lotomo ya kopekisa pite?

• 

  Rose ayaki koyeba likambo nini na oyo etali komanyola?