MAKAMBO YA MOTUYA NA LILOBA YA NZAMBE

Kumisá Yehova mpo azali na bwanya

Yehova apesaki Salomo bwanya moko ya kokamwa (1Ba 10:1-3; w99 1/7 lok. 30 par. 6)

Mokonzi-mwasi ya Sheba akamwaki makasi ntango amonaki bwanya oyo Yehova apesaki Salomo (1Ba 10:4, 5; w99 1/11 lok. 20 par. 6)

Mokonzi-mwasi ya Sheba akumisaki Yehova ndenge akómisaki Salomo mokonzi (1Ba 10:6-9; w99 1/7 lok. 30-31)

Ndeko mwasi moko azali kopesa litatoli na restora.

Ndenge moko na mokonzi-mwasi ya Sheba, biso mpe tokoki komonisa botɔndi mpo na bwanya ya Yehova. Na ndenge nini? Soki tozali kosalela mateya ya Yesu na bomoi na biso mpe kosala nyonso oyo tokoki mpo na kolanda ndakisa na ye. (Mt 12:42; 1Pe 2:21) Longola yango, tosengeli koyebisaka bato mosusu bwanya ya Yehova na mosala ya kosakola.