Makambo oyo esalaka ete bitumba mpe mobulu ekoba kozala

LISUMU

Nzambe asalaki Adama ná Eva, baboti na biso ya liboso, na elilingi na ye. (Ebandeli 1:27) Yango elakisi ete basengelaki kozala na bizaleli ya Nzambe, na ndakisa, kimya mpe bolingo. (1 Bakorinti 14:33; 1 Yoane 4:8) Kasi, Adama ná Eva baboyaki kotosa Nzambe mpe basalaki lisumu. Yango wana, biso nyonso tokómá basumuki mpe tokufaka. (Baroma 5:12) Lisumu etindaka moto kaka na makanisi ya mabe, yango wana bato mingi basalaka mobulu mpo eutaka na makanisi.—Ebandeli 6:5; Marko 7:​21, 22.

BAGUVƐRNEMA YA BATO

Nzambe asalá biso te mpo tómitambwisa na ndenge na biso. Biblia elobi: “Ezali te likambo ya moto oyo azali kotambola ete atambwisa makolo na ye.” (Yirimia 10:23) Yango wana, baguvɛrnema ya bato ekoki te kosilisa bitumba mpe mobulu mpo na libela.

SATANA NÁ BADEMO NA YE

Bible emonisi ete “mokili mobimba ezali na mabɔkɔ ya moto mabe.” (1 Yoane 5:19) “Moto mabe” yango nde Satana Zabolo, mobomi-bato. (Yoane 8:44) Satana ná bademo na ye bazali nsima ya bitumba mpe mobulu oyo ezali kosalema na mokili.—Emoniseli 12:​9, 12.