Saleláká talatala na ndenge ya malamu

Moyekoli Yakobo akokanisaki Biblia na talatala oyo esalisaka biso tómona bomoto na biso ya kati. (Yak. 1:​22-25) Ndenge nini tokoki kosalela Biblia lokola talatala na ndenge ya malamu?

Tángáká yango na likebi. Soki tobwaki kaka liso na talatala, mbala mosusu tokomona te bisika mosusu oyo esɛngi tóbongisa. Mpo na komona bisika oyo tosengeli kobongisa na bomoto na biso ya kati, tosengeli kotalatala Liloba ya Nzambe, kotánga yango na likebi.

Omimonaka na esika ya komona basusu. Soki tosimbi talatala malamu te, ekoki komonisa nde mabunga ya moto mosusu. Ndenge moko mpe, ekoki kokóma ete tósalela Biblia mpo na kotala mabunga ya basusu. Kasi kosala bongo ekosalisa biso moko mpenza te.

Zalá na bokatikati. Soki totye miso na kotala kaka mabunga oyo talatala emonisi, tokoki kolɛmba nzoto. Tosengeli kozala na bokatikati ntango tozali kotánga Liloba ya Nzambe; tóluka te kosala koleka oyo Yehova asɛngi.—Yak. 3:17.