Mokonzi ya basali-mabe akómá moto malamu

MOKOLO moko, mokonzi ya biro oyo elandelaka kimya na mboka abengisaki ndeko Sormin na biro ya prokirɛrɛ.

Mokonzi yango alobaki: “Ozali mwana-mboka Indonésie, kobombela ngai eloko te. Batatoli ya Yehova basalaka mpenza nini awa na Indonésie?”

Ndeko Sormin ayebisaki ye: “Zelá nabɛtɛla yo lisolo na ngai. Kala, nazalaki mokonzi ya basali-mabe, kasi sikoyo nateyaka bato Biblia. Yango nde Batatoli ya Yehova basalaka awa na Indonésie: kosalisa bato mabe lokola ngai bákóma bato malamu.”

Na nsima, mokonzi yango alobaki ete: “Bato mingi bamilelaka mpo na Batatoli ya Yehova. Kasi nayebi ete ezali lingomba ya malamu mpo esalisá tata Sormin akómá moto malamu.”