Bokonzi ya Nzambe ekosala nini mpo na bitumba?

Mokili ezali kokoba konyokwama mpo na bitumba oyo ezali komemela bato nyonso mpasi. Talá balapolo oyo elandi:

• “Balapolo ya sika emonisi ete motángo ya bato oyo bazali kokufa mpo na bitumba emati makasi mpe etikalá kokóma te banda 1994, motángo yango emati mingimingi mpo na bitumba ya Éthiopie mpe ya Ukraine.”​—Peace Research Institute Oslo, 07/07/2023.

• “Bitumba ya Ukraine ezali moko ya bitumba monene oyo esalemi na 2022. Lisusu, na mbula oyo eleki, mobulu ya bato ya politiki ekómaki makasi mpenza na mokili mobimba, mpe yango ezali kobimisela bato soki 1,7 miliare mikakatano na mokili mobimba.”​— The Armed Conflict Location & Event Data Project (ACLED), 08/02/2023.

Biblia epesi elikya. Elobi ete “Nzambe ya likoló akotya bokonzi moko oyo ekobebisama te.” (Danyele 2:44) Na ntango ya Bokonzi to guvernɛma yango, Nzambe ‘akosilisa bitumba na mabele mobimba.’​—Nzembo 46:9.