Mpo abondelaki

NA 1 Batesaloniki 5:17, 18, ntoma paulo alobaki: “Bobondelaka na etingya. Botondaka kati na makambo nyonso, mpo ete oyo ezali mokano na Nzambe mpo na bino kati na Klisto Yesu.” Nzokande, okakatanaka mpo na kobondela ntango ozali kolya na esika ya bato mingi, na ndakisa kati na restorá? Na kotalela toli na Yesu na ntina etali mabondeli mpo na komilakisa liboso na bato, ezali malamu na koboya kobenda likebi na bato likoló na yo. (Matai 6:5, 6) Nzokande, libondeli ya nkuku ekoki kobota mbuma.

Ezali yango nde ekomelaki elenge Temwe moko oyo asalaka na Béthel ya Brooklyn, esika monene ya ba Témoins de Jéhovah oyo etambwisaka mosala na bango na mokili mobimba Azalaki kodéjéné kati na restorá moko liboso ete akende kokutana na basangani ya lisangá na ye mpo na kobima na mosala ya kosakola kati na etuluku. Ntango bayelaki ye déjéné, abondelaki lokola momeseno. Ntango atombolaki motó mpe afungolaki miso, mosali moko ye mwasi atelemaki wana mpe azalaki kotala ye.

Atunaki ye ete: “Ozalaki kobondela, boye te?” Ntango andimaki, alobaki na ye: “Osengeli kozala Temoin de Jéhovah. Baboti na ngai mpe bazali Batemwe. Nasepeli naino na lingomba na bango te, kasi nayebi ete esengelaki nasepela na yango. Esengeli ete na miselela abonemá na La Tour de Garde mpe na Réveillez-vous!. Okoki kosalisa ngai mpo na kosala yango?

Elenge Temwe alobi ete, “etikalaki moke bilei ekangama ngai na mongongo”. Atako bongo, asalelaki mosali wana ya mwasi abonema na bazulunalo mibale, atikelaki ye bazulunalo mibale ya sika mpe eyokanaki na ye mpo na bozongeli ya sika; nyonso wana mpo abondelaki.