Annuaire: Liziba ya masolo kitoko ya kolendisa
1 Ezali ntango nyonso malamu mpo na basaleli ya Nzambe koyeba balapolo mpe masolo ya kolendisa oyo etali misala ya kokamwa ya Yehova. (Yobo 38:4, 7; Mas. 25:25; Luka 7:22; Mis. 15:31) Na ntina yango, buku Annuaire des Témoins de Jéhovah ezali liziba ya masolo ya kitoko ya kolendisa.
2 Annuaire moko na moko ezali kopesa balapolo ya kolendisa ya mokili mobimba likoló na mosala ya Batatoli ya Yehova. Masolo ya mosala ya kosakola mazali komonisa ete Yehova azali kotambwisa, kobatela, mpe kopambola libota na ye. Annuaire elobelaka mingi mibali mpe basi ya molende oyo batiká mabota na bango, baninga na bango mpe bamboka na bango mpo ete solo ya Biblia eyebisama na bato ya mikili nyonso mpe ya bisanga mingi.
3 Annuaire epusaka bato batángi mingi na kosalela Nzambe lisusu mingi koleka. Mwasi moko akomaki boye: “Nalingaka kotánga yango nokinoki. Makambo nasili kotánga kino sikawa malendisi ngai mingi. Wana nazali komona oyo basusu bazali kosala kati na mikakatano, nalobaka ete nakoki kosala lisusu mingi koleka kati na mosala ya kosakola nsango malamu.”
4 Kobanda 1927, mbula nyonso, Annuaire des Témoins de Jéhovah ezali komonana ete ezali liziba ya balapolo ya malamu koleka mpe masolo ya mosala ya kosakola oyo tokoki kobosana yango te. Tozwaka matomba na liziba oyo ya bilendiseli bileki malamu? Mpo na kosala yango, tótángaka Annuaire wana tozwi yango. Na nsima, na boumeli ya mbula, tózongela kotánga biteni mosusu ya masolo oyo ezali kolendisa biso mpe libota na biso.