Loyembo 110
Tólimbisaka
1. Yehova’azali bolingo.
Ye atindaki Klisto
Mpo tósikwa na lisumu
Mpe tózala na bomo’.
Soki tobongwani solo,
Tokozwa lilimbisi
Mpo na makila na Yesu
Oyo masopamaki.
2. Nzambe akolimbisaka
Bango bamekoli ye
Na kolimbisa basusu
Na masumu, na mabe.
Banso, tosalaka mbébá
Mpo tozangi kokoka.
Tólimbisa bazalani
Mpo bázala na kimya.
3. Tólimbisana mpo ete
Matáta masila nyee.
Moto ya motema mawa
Akolimbisa mabe.
Soki tokosala bongo,
Toza motema mawa.
Baklisto oyo batɛli
Bayebi kolimbisa.
4. Tóyekola kolimbisa,
Yango nde malamu bɛɛ.
Na yango mpe, tokobómba
Nkanda na motema te.
Tika tólimbisa mabe
Mpo tómekola Nzambe.
Yehova’akolimbisaka.
Tika tókumisa ye!