Loyembo 92
Tósakola na molende
1. Batatoli, tótɛlɛma ngwi
Mpo na Satana, Mozimbisi.
Tolendisami na Liloba;
Banso banyokwami, tóbɔndisa!
Nguya ya Nzamb’engɛngisi bɛɛ.
Tososoli Liloba na ye.
Tózala na molende béboo
Mpo na kosakwela bato banso.
2. Basaleli banso ya Nzambe,
Bakondima Liloba na ye.
Atako bazali mingi te,
Bakobanga mpe bato mabe te.
Batondi kondima na mpiko,
Bazali kosakola solo.
Bakosalaka na molende,
Bakozala baninga ya Nzambe.
3. Tósungaka bango balɛmbi,
Básakola, bátɛlɛma ngwi.
Tósalisa bato ya sika
Ete bakóla na nzela na Yah.
Tóbɔndisa bato ya mpasi,
Ete bázala na makasi.
Mosika te, tokozwa kimya.
Na Bokonzi ya Nzambe, ekoya.