Loyembo 163

Mbuma ya elimo

(Bagalatia 5:22, 23, NW)

1. Elimo santu ya Yehova,

Tólóna mbuma na yango.

Bongo, tokopesa ye nkembo.

Mpe tokoki kozwa bomo’.

Mpo ete tómekola Nzambe,

Tómilatisa bolingo.

Mpe esengo ekolendisa

Biso na kozala sembo.

2. Tosengeli koluka kimya

Mpo tózala na bomoko.

Tólóna motema molai,

Yango ebongi na biso.

Tózala na boboto mingi

Na bazalani na biso.

Malamu ekopusa biso

Ete tósakola solo.

3. Mpiko mp’elikya ya bomoi

Ekouta na kondima.

Bopɔlɔ nd’ekosilisaka

Matáta manso makoya.

Komipekisa, tokolóna

Mpo tozwa ngolu ya Nzambe.

Solo, mbuma y’elimo oyo,

Tóbota na kotika te.