Loyembo 62

Esengo na bato ya mitema mawa!

(Matai 5:7)

1. Bato ya mitema mawa,

Bandimami na Yehova.

Balingi boyengebene,

Bazwi solo ngolu na ye.

Na motema mawa na ye,

Nzamb’apesi Mwana na ye

Lokola mbeka’a lisiko

Mpo na kobikisa biso.

2. Bato ya mitema mawa,

Mapamboli makozala.

Uta kuna na makoló,

Yesu’akobonzela bango.

Na bolingo epai na Yah,

Bakosakolaka nsango:

‘Bóyembela Bokonzi mpo

Yango esi’ ebɛlɛmi.’

3. Bato ya mitema mawa,

Solo, bakobikisama

Mpo n’elimo ya boboto

Bamoniselaki bato.

Tika tólanda Yehova,

Tóyokela bato mawa.

Tika tómonisa yango

Na bato na ntango inso.

(NA NSUKA YA ETENI YA MISATO)

Tóyokela bato mawa,

Na ndakisa ya Yehova.