Mayebisi

◼ Mikanda oyo tokokabola na Yanuali: Buku nyonso ya nkasa 192 oyo ebimisamaki liboso ya mobu 1985 mpe ezali kati na libombo ya lisangá. Masangá oyo mazali na babuku yango te ekolakisa buku La paix et la sécurité véritables : Comment est-ce possible ? to Okoki kozala na bomoi ya seko na mabele oyo ekobongwana paradis. Febwali: Sɛkɛlɛ́ ya bolamu na libota. Marsi: Boyebi oyo ezali komema na bomoi ya seko. Tokosala makasi mpo na kobanda boyekoli ya Biblia na bato. Aprili: Linɔ́ngi ya Mosɛnzɛli mpe Lamuká! Tokozala mpe na mwa buku Azali kosɛnga mpo na baoyo basepelaka na solo; tokosala makasi mpo na kobanda boyekoli ya Biblia elongo na bango.

◼ Siplema ya Mosala na biso ya Bokonzi ya sanza oyo, ezali kolobela liyangani ya etúká mpo na mobu 1999 yango ekosalelama na Likita ya Mosala oyo ebongisami mpo na pɔsɔ ya 28 Desɛmbɛ 1998.

◼ Na likita ya mosala ya pɔsɔ ya 4 Yanuali, basakoli nyonso oyo bazwá batisimo bakozwa kalati “Instructions médicales/Pas de sang” mpe Carte d’identité mpo na bana na bango.

◼ Kobanda na sanza ya Febwali, eleka mokolo ya 1 Marsi te, bakɛngɛli ya zongazonga bakosala lisukulu ya sika ya bato nyonso oyo ezali na motó na likambo ete “Ondimaka ete Nzambe azali solo moto?”

◼ Masangá masengeli kozwa bibongiseli bibongi mpo na Ekaniseli, yango ekosalema mbula oyo na mokolo ya minei mwa 1 Aprili, nsima ya kolala ya moi. Atako lisukulu ekoki kobanda liboso, limpa mpe vinyo esengeli kolekisama nsima ya kolala ya moi. Bótala malamu ngonga oyo moi elalaka na esika bozali. Atako ezali malamu ete masangá masala molulu ya Ekaniseli na bisika bikeseni, yango ekoki ntango nyonso kosalema bongo te. Epai kuna masangá mingi mazali kosala makita na bango na Ndako ya Bokonzi moko, ntango mosusu likoki ekozala ete moko na masangá yango to mingi esalela bisika mosusu na mpokwa wana. Soki likoki ezali bokoki kotika miniti 40 kati na makita mibale mpo na kozwa ntango ya kopesa babyangami mbote, kolendisa bato oyo babandi kosepela na solo sika. Yango ekosala ete bato bázwa mpenza litomba na libaku yango. Bosengeli mpe kotalela likambo ya esika ya kotelemisa mituka, mpe esika oyo batambwisi mituka bakoki kokitisa mpe komema bato na mituka. Lisangani ya bankulutu esengeli kozwa ekateli na ntina na bibongiseli oyo bamoni ete ekozala malamu mpo na esika oyo bafandi.

◼ Lisukulu ya sipesiale mpo na mobu 1999 oyo ebongisami mpo na eleko ya Ekaniseli ekosalema mokolo ya lomingo mwa 18 Aprili. Motó ya likambo na yango ezali: “Boninga ya solo elongo na Nzambe mpe bazalani na biso.” Plan na yango ekotindama nsima. Masangá oyo mokɛngɛli ya zongazonga akotala, to oyo makozala na liyangani ya zongazonga to na liyangani ya mokolo moko na pɔsɔ yango, makosala lisukulu ya sipesiale na pɔsɔ oyo ekolanda. Lisangá moko te esengeli kosala lisukulu yango liboso ya mokolo ya 18 Aprili 1999. Lokola Ekaniseli ezali molulu moko ya ntina mingi mpo na komanyola likoló na oyo Yehova mpe Yesu Klisto basili kosala mpo na biso, ekozala malamu te ete tósalela libaku yango lokola feti mpo na kolya mpe komɛla.

◼ Mikanda ya sika oyo tozali na yango:

Lifalanse: Index ya mikanda ya la Société 1996.

Bangonga oyo esɛngami mpo na babongisi-nzela etalelami lisusu

¹ Biso nyonso tosepelaka na mosala makasi oyo babongisi-nzela ya sanza na sanza mpe babongisi-nzela basungi bazali kosala kati na lisangá. Ata soki teritware ezali monene mpenza te mpe litatoli epesami na mozindo, babongisi-nzela bapesaka ntango nyonso ndakisa malamu ya molende kati na mosala ya Bokonzi. Balendisaka basakoli nyonso ete bámipesa na koluka baoyo “basilaki koponama.”—Mis. 13:48.

² La Société amoni ete babongisi-nzela bazali kokutana na mikakatano mingi koleka. Bazali kokutana na mokakatano ya kozwa mosala ya ndambo ya mokolo oyo ekoki kosalisa bango na kokokisa bamposa na bango mpe kokoba na mosala na bango ya ntango nyonso. Lisusu na mikili mingi, mpo na mikakatano ya nkita ya ntango oyo, ezali kokóma mpasi mingi mpo na basakoli mosusu ete básala lokola babongisi-nzela atako bazali na mposa makasi ya kosala mosala yango. Makambo oyo nyonso, bakisa mpe makambo mosusu, etalelamaki malamumalamu na basanza oyo euti koleka.

³ Yango wana, la Société akitisi bangonga mpo na babongisi-nzela ya sanza na sanza mpe babongisi-nzela basungi. Kobanda mobu 1999, babongisi-nzela ya sanza na sanza bakobanda kopesa ngonga 70, sanza na sanza, yango ekosala motuya ya ngonga 840 mpo na mbula mobimba. babongisi-nzela basungi bakozala na mokano ya kokokisa ngonga 50 na sanza. Mpo na babongisi-nzela minene mpe bamisionere bangonga oyo esɛngami mpo na bango ebongolami te, mpamba te bibongiseli ya la Société epesaka bango nzela ya kokokisa bamposa na bango ya ntina. Yango ekosala ete bámipesa mingi koleka na mosala ya koteya mpe kozalisa bayekoli.

⁴ Tozali kolikya ete lokola bangonga oyo esɛngami mpo na babongisi-nzela etalelami lisusu yango ekosalisa mpenza bango ete bákoba na mosala na bango, yango ezali libaku malamu. Yango ekopesa mpe nzela epai na basakoli mosusu ete bákóma babongisi-nzela basungi to babongisi-nzela ya sanza na sanza. Oyo nde lipamboli mpo na mokomoko kati na lisangá!