Loyembo 66

Nguya ya mbuma oyo ete boboto

(Baloma 2:4)

1. Tika tótɔndo Yehova,

Solo, ye boboto.

Tolakámaki na kufa,

Nde ye’asombi biso.

Ye na nguya, ye monene,

Y’atondani na boboto,

Na yango, tósalela ye

Na bosembo nyonso.

2. Nkol’ateyaki solo na

Kosɔkɛma nyonso.

Ateyaki banyokwami

Na boboto nyonso.

Maloba na ye ya kimya

Mapesaki elikya mpe;

Sol’akobikisa bango

Bakolukaka ye.

3. Boboto, mbuma y’elimo,

Tómonisa yango.

Soki tolingi bolamu

Na Yah mpe na Nkolo.

Ata tozwi mpasi nini,

Tóyika bobele mpiko.

Tómonisaka boboto;

Tólimbisa bato.

4. Oy’esengo, malamu bɛɛ

Kati na mosala.

Tómonisa bazalani,

Boboto nde nguya.

Tika tóteya basusu,

Mpo bateyaki mpe biso.

Tókumisa Yehova na

Boboto na biso.