Loyembo 67

Tómibombela biloko ya motuya na makoló

(Matai 6:20)

1. Yehova, Nzambe ya solo.

Yo mopesi na pole.

Makabo manso malamu

Mauti na yo, Nzambe.

Yo nde mokabi monene;

Opesi biso manso.

Yo nde liziba ya bomoi;

Tokokumisa sé yo.

2. Tokobebisa ntango te

Na kobɛta mopepe,

Na koluka bozwi mpamba,

Yang’ekosungaka te.

Tósalela solo Nzambe;

Akobatela biso.

Tóluka bomoi ya solo

Mpe tokozwa lobiko.

3. Na banyokwami, tópesa

Bozwi, ntango na biso.

Mpo ete balendisama,

Tika tóteya bango.

Tósepelisa Yehova,

Ye moninga na sembo.

Tómibombela biloko

Motuya na makoló.