Watchtower MIKANDA OYO EZALI NA INTERNET
Watchtower
MIKANDA OYO EZALI NA INTERNET
Lingala
  • BIBLIA
  • MIKANDA
  • MAKITA
  • g25 No. 1 nk. 4-5
  • Yebá ete okoki kobongola makambo te

Video ezali awa te.

Esimbi te. Video oyo esali mwa mindɔndɔ.

  • Yebá ete okoki kobongola makambo te
  • Lamuká!—2025
  • Mitó ya makambo mike
  • Masolo mosusu
  • MPO NA NINI EZALI NA NTINA
  • OYO OKOKI KOSALA
  • Ntalo ya biloko ezali se komata na mokili mobimba​—Biblia elobi nini?
    Makambo mosusu
  • Mitó ya makambo
    Lamuká!—2025
  • Zalá na elikya
    Lamuká!—2025
  • Salelá mbongo na yo na mayele
    Lamuká!—2025
Makambo mosusu
Lamuká!—2025
g25 No. 1 nk. 4-5
Bililingi: 1. Mwasi moko azali kopona tomate na wenze. 2. Azali kopesa nkolo-biloko mbongo.

OYO OKOKI KOSALA NTANGO NTALO YA BILOKO EZALI KOMATA

Yebá ete okoki kobongola makambo te

Ntango ntalo ya biloko ezali komata se komata, mbala mosusu tokoki komona yango te, mingimingi soki mbongo oyo bafutaka biso na nsuka ya sanza mpe emati. Nzokande, ntango ntalo ya biloko ezali se komata, kasi mbongo oyo bafutaka biso na nsuka ya sanza ebakisami te, tokoki komitungisa, mingimingi soki tozali na libota.

Tokoki te kopekisa ntalo ya biloko emata. Kasi tokozwa matomba mingi soki tondimi ete tokoki kobongola makambo te.

MPO NA NINI EZALI NA NTINA

Soki toyebi ete tokoki te kopekisa ntalo ya biloko emata . . .

  • tokozala motema ya kokita. Soki tozali motema ya kokita, tokokanisa malamu mpe tokozwa bikateli ya bwanya.

  • tokoboya mimeseno ya mabe. Na ndakisa, ekozala likambo ya bwanya te koboya kofuta bafaktire na biso to mpe kosomba biloko oyo tozali mpenza na mposa na yango te.

  • tokoboya kobendana na bato ya libota kaka mpo na makambo ya mbongo.

  • tokoyeba makambo oyo tokoki kosala mpo na kosomba biloko oyo tosengeli mpenza na yango, na esika ya kobebisa mbongo na biloko oyo ezali mpenza na ntina te.

OYO OKOKI KOSALA

Yebá komesana na makambo ya sika. Ntango ntalo ya biloko ezali komata, ekozala malamu koboya kobebisa mbongo na makambo oyo ezangá ntina. Bato mosusu balukaka kobebisa mbongo mingi koleka oyo bazwaka, mpe yango ekómisaka lisusu bomoi na bango mpasi. Nsukansuka, balɛmbaka nzoto. Soki ozali na libota, okoki mpe komitungisa mpo na oyo etali kokokisa bamposa na bango. Kasi kobosana te likambo oyo: Bato ya libota na yo bazalaka na mposa ete omonisela bango bolingo, olekisaka ntango elongo na bango, mpe otyelaka bango likebi koleka makambo mosusu nyonso.

“Ata bomitungisi boni, nani na kati na bino akoki kobakisa mokolo moko na bomoi na ye?”—Luka 12:​25, Bible na Lingala ya lelo oyo.

“Bómitungisa ata moke te mpo na lobi, mpo lobi ekozala na mitungisi na yango moko. Mokolo na mokolo ezali na mitungisi na yango.”—Matai 6:34.

Bato mosusu balukaka kobebisa mbongo mingi koleka oyo bazwaka, mpe yango ekómisaka lisusu bomoi na bango mpasi

Phazilya.

“Ndenge Biblia esakolaki na 2 Timote 3:​1, tozali kobika na ‘ntango moko ya mpasi mpenza mpe ya mikakatano.’ Na yango, nakamwaka te ntango ntalo ya biloko ezali se komata. Naboyaka kobebisa mbongo na biloko oyo nazali mpenza na mposa na yango te.” —Phazilya, Azerbaïdjan

    Mikanda na Lingala (1984-2026)
    Bimá
    Kɔtá
    • Lingala
    • Kotindela moto
    • Makambo oyo olingi
    • Copyright © 2025 Watch Tower Bible and Tract Society of Pennsylvania
    • Ndenge ya kosalela
    • Kobomba makambo ya moto
    • Kobongisa makambo na yo
    • JW.ORG
    • Kɔtá
    Kotindela moto