BIYANO NA MITUNA YA BIBLIA

Zabolo autá wapi?

Nzambe asalaki Zabolo te. Kutu, Nzambe asalaki nde anzelu oyo na nsima akómaki Zabolo, oyo ayebani mpe na nkombo Satana. Yesu amonisaki ete na ebandeli Satana azalaki ekelamu ya kolongobana mpe azalaki na mbeba te. Na yango, na ebandeli, Zabolo azalaki anzelu moko ya sembo; mwana ya Nzambe.​—Tángá Yoane 8:44.

Ndenge nini anzelu akoki kokóma Zabolo?

Anzelu oyo akómaki Zabolo atɛmɛlaki Nzambe mpe atindaki mobali mpe mwasi ya liboso bálanda ye. Na ndenge yango, amikómisaki Satana, oyo elimboli “Motɛmɛli.”​—Tángá Ebandeli 3:1-5; Emoniseli 12:9.

Ndenge moko na bikelamu mosusu ya mayele oyo Nzambe akelá, anzelu oyo akómaki Zabolo azalaki na bonsomi ya kopona oyo ezali malamu to mabe, kasi akómaki na mposa básambela ye. Mposa na ye ya kozwa lokumu ezalaki makasi koleka mposa ya kosepelisa Nzambe.​—Tángá Matai 4:8, 9; Yakobo 1:13, 14.

Ndenge nini Satana akobaki kokosa bato? Osengeli nde kobanga ye? Okoki kozwa biyano na mituna yango na Biblia.