Biblia elobi nini?

Nzambe azali na nkombo?

BATO MOSUSU BALOBAKA ete azali na nkombo te, basusu balobaka ezali Nzambe to Nkolo, mpe bato mosusu balobaka ete azali na bankombo ebele. Okanisi nini?

OYO BIBLIA ELOBI

“Yo, oyo nkombo na yo ezali Yehova, Yo moko nde Oyo-Aleki-Likoló na mabele mobimba.”​—Nzembo 83:18.

MAKAMBO NINI MOSUSU TOKOKI KOYEKOLA NA BIBLIA?

• Atako Nzambe azali na batitre ebele, amipesá kaka nkombo moko.​—Kobima 3:15.

• Nzambe azali libombami te; alingi tóyekola koyeba ye.​—Misala 17:27.

• Koyeba Nkombo ya Nzambe ekoki kozala likambo ya liboso mpo na kokóma moninga na ye.​—Yakobo 4:8.

Ezali mabe kotánga nkombo ya Nzambe?

OKOLOBA NINI?

• Ɛɛ

• Te

• Ntango mosusu

OYO BIBLIA ELOBI

“Osengeli te kozwa nkombo ya Yehova Nzambe na yo na lisɛki.” (Kobima 20:7) Kosalela nkombo ya Nzambe ezali mabe kaka soki tosaleli yango na kozanga limemya.​—Yirimia 29:9.

MAKAMBO NINI MOSUSU TOKOKI KOYEKOLA NA BIBLIA?

• Yesu ayebaki Nkombo ya Nzambe mpe azalaki kosalela yango.​—Yoane 17:25, 26.

• Nzambe azali kosɛnga biso tóbenga ye na Nkombo na ye​—Nzembo 105:1.

• Banguna ya Nzambe balukaka ete bato bábosana Nkombo ya Nzambe.​—Yirimia 23:27.