ຊາມູເອນສະບັບທີສອງ
23 ນີ້ແມ່ນຄຳເວົ້າສຸດທ້າຍຂອງດາວິດ.+
“ຄຳເວົ້າຂອງດາວິດລູກຊາຍເຢຊີ.+
ຄຳເວົ້າຂອງຜູ້ທີ່ພະເຈົ້າໄດ້ຍົກຍ້ອງ+
ຜູ້ທີ່ພະເຈົ້າຂອງຢາໂຄບໄດ້ເລືອກ+
ນັກຮ້ອງທີ່ຮ້ອງເພງ+ອິດສະຣາເອນມ່ວນ.
3 ພະເຈົ້າຂອງອິດສະຣາເອນ
ແລະຫີນຜາຂອງອິດສະຣາເອນ+ເວົ້າກັບຂ້ອຍວ່າ
‘ເມື່ອຜູ້ທີ່ປົກຄອງໃຊ້ອຳນາດຢ່າງຖືກຕ້ອງ+
ແລະປົກຄອງດ້ວຍຄວາມນັບຖືພະເຈົ້າ+
4 ມັນກໍເປັນຄືກັບແສງຕາເວັນໃນຕອນເຊົ້າ+
ເປັນຕອນເຊົ້າທີ່ບໍ່ມີຂີ້ເຝື້ອ.
ມັນເປັນຄືກັບແສງສະຫວ່າງທີ່ສ່ອງຫຼັງຈາກຝົນເຊົາຕົກ
ທີ່ເຮັດໃຫ້ຫຍ້າປົ່ງຂຶ້ນຈາກດິນ.’+
5 ລູກຫຼານຂອງຂ້ອຍເປັນແບບນັ້ນຕໍ່ໜ້າພະເຈົ້າແມ່ນບໍ?
ຄຳສັນຍາທີ່ເພິ່ນເຮັດກັບຂ້ອຍຈະຢູ່ຕະຫຼອດໄປ.+
ຄຳສັນຍານີ້ຈັດກຽມຢ່າງດີແລະຈະບໍ່ປ່ຽນແປງ.
ຄຳສັນຍານີ້ໝາຍເຖິງຄວາມລອດແລະຄວາມສຸກຂອງຂ້ອຍ
ຍ້ອນແນວນີ້ເພິ່ນຈຶ່ງເຮັດຕາມຄຳສັນຍານີ້.+
6 ແຕ່ຄົນຊົ່ວຈະຖືກຖິ້ມ+ຄືຟຸ່ມໜາມທີ່ບໍ່ມີຄ່າ.
ບໍ່ມີໃຜເອົາມືເປົ່າຫຼົກມັນໄດ້.
7 ເມື່ອຄົນຈັບມັນ
ກໍຕ້ອງໃຊ້ເຄື່ອງມືທີ່ເປັນເຫຼັກແລະໃຊ້ຫອກ
ແລະຄວນຈູດມັນຖິ້ມໃຫ້ໝົດຢູ່ຫັ້ນ.”
8 ຕໍ່ໄປນີ້ແມ່ນລາຍຊື່ທະຫານທີ່ເກັ່ງໆຂອງດາວິດ.+ ໂຢເຊັບບາເຊເບັດຄົນຕາເຄໂມນເປັນຜູ້ໜຶ່ງໃນທະຫານ 3 ຄົນທີ່ເກັ່ງທີ່ສຸດແລະລາວກໍເປັນຫົວໜ້າ.+ ໃນການຕໍ່ສູ້ເທື່ອດຽວ ລາວໃຊ້ຫອກຂ້າສັດຕູ 800 ຄົນ. 9 ຕໍ່ຈາກໂຢເຊັບບາເຊເບັດແມ່ນເອເລອາຊາທີ່ເປັນ+ລູກຊາຍຂອງໂດໂດ+ແລະເປັນຫຼານຊາຍຂອງອາໂຮອາ. ເອເລອາຊາເປັນຜູ້ໜຶ່ງໃນທະຫານ 3 ຄົນທີ່ເກັ່ງທີ່ສຸດເຊິ່ງຢູ່ກັບດາວິດຕອນທີ່ເຂົາເຈົ້າທ້າພວກຟີລິດສະຕີນໃຫ້ມາຕໍ່ສູ້ກັນ. ຕອນນັ້ນ ພວກທະຫານອິດສະຣາເອນໜີຈາກການຕໍ່ສູ້ 10 ແຕ່ເອເລອາຊາຍັງຢືນຕໍ່ສູ້ຢູ່ຫັ້ນ ແລະໃຊ້ດາບຂ້າພວກຟີລິດສະຕີນຈົນລາວແຂນລ່ອຍແລະມືຈັງ.+ ມື້ນັ້ນພະເຢໂຫວາຊ່ວຍລາວໃຫ້ຊະນະ*+ ແລະພວກທະຫານທີ່ໜີໄປກໍກັບມາຫາເອເລອາຊາແລະໄປເອົາເຄື່ອງຂອງທີ່ຢູ່ສົບຂອງພວກຟີລິດສະຕີນນຳລາວ.
11 ຕໍ່ຈາກເອເລອາຊາແມ່ນຊາມມາລູກຊາຍຂອງອາເກເອຄົນຮາຣາ. ມີເທື່ອໜຶ່ງ ພວກຟີລິດສະຕີນມາລວມກັນຢູ່ເລຮີ. ຢູ່ຫັ້ນມີດິນຕອນໜຶ່ງທີ່ມີຕົ້ນໝາກຖົ່ວເລັນທິວຫຼາຍແລະມີໝາກດົກ. ພວກທະຫານອິດສະຣາເອນພາກັນໜີຈາກຫັ້ນຍ້ອນພວກຟີລິດສະຕີນ 12 ແຕ່ຊາມມາຍັງຢືນຕໍ່ສູ້ຢູ່ກາງດິນຕອນນັ້ນແລະຂ້າພວກຟີລິດສະຕີນຕາຍບັກຫຼາຍໆເພື່ອບໍ່ໃຫ້ເຂົາເຈົ້າມາຍຶດເອົາດິນຕອນນັ້ນ. ພະເຢໂຫວາໄດ້ຊ່ວຍລາວໃຫ້ຊະນະ.+
13 ໃນຍາມກ່ຽວເຂົ້າ ພວກຫົວໜ້າ 3 ຄົນໃນຈຳນວນຫົວໜ້າ 30 ຄົນໄດ້ໄປຫາດາວິດຢູ່ຖ້ຳໃນອະດຸລາມ+ ແລະພວກຟີລິດສະຕີນໄດ້ຕັ້ງຄ້າຍຢູ່ຮ່ອມພູເຣຟາຢິມ.+ 14 ຕອນນັ້ນ ດາວິດລີ້ຢູ່ບ່ອນທີ່ປອດໄພ+ ແລະທະຫານຟີລິດສະຕີນກອງໜຶ່ງຢູ່ໃນເມືອງເບັດເລເຮັມ. 15 ດາວິດຄິດຮອດນ້ຳສ້າງທີ່ຢູ່ຂ້າງປະຕູເມືອງເບັດເລເຮັມ ລາວຈຶ່ງເວົ້າອອກມາວ່າ: “ຂ້ອຍຢາກກິນນ້ຳຢູ່ຫັ້ນເດ້!” 16 ເມື່ອທະຫານ 3 ຄົນທີ່ເກັ່ງທີ່ສຸດຮູ້ເລື່ອງນີ້ ເຂົາເຈົ້າກໍບຸກເຂົ້າໄປໃນຄ້າຍຂອງພວກຟີລິດສະຕີນ ແລະຕັກເອົານ້ຳຈາກນ້ຳສ້າງທີ່ຢູ່ຂ້າງປະຕູເມືອງເບັດເລເຮັມມາໃຫ້ດາວິດ ແຕ່ດາວິດບໍ່ຍອມກິນ. ລາວຖອກນ້ຳລົງດິນໃຫ້ພະເຢໂຫວາ.+ 17 ດາວິດເວົ້າວ່າ: “ພະເຢໂຫວາ ລູກຈະບໍ່ກິນນ້ຳນີ້ເດັດຂາດ! ສາມຄົນນີ້ສ່ຽງຊີວິດໄປເອົານ້ຳນີ້ມາໃຫ້ລູກ ຖ້າລູກກິນກໍສ່ຳກັບວ່າລູກກິນເລືອດ+ຂອງເຂົາເຈົ້າ.” ດາວິດຈຶ່ງບໍ່ຍອມກິນນ້ຳນັ້ນ. ທັງໝົດນີ້ແມ່ນສິ່ງທີ່ທະຫານ 3 ຄົນທີ່ເກັ່ງທີ່ສຸດຂອງດາວິດໄດ້ເຮັດ.
18 ອາບີຊາຍ+ອ້າຍຂອງໂຢອາບລູກຊາຍຂອງເຊຣູຢາ+ຢູ່ໃນກຸ່ມທະຫານອີກກຸ່ມໜຶ່ງທີ່ມີ 3 ຄົນແລະລາວກໍເປັນຫົວໜ້າ. ໃນການຕໍ່ສູ້ເທື່ອດຽວ ລາວໃຊ້ຫອກຂ້າພວກທະຫານຫຼາຍກວ່າ 300 ຄົນ ແລະລາວມີຊື່ສຽງສ່ຳກັບພວກທະຫານ 3 ຄົນທີ່ເກັ່ງທີ່ສຸດ.+ 19 ເຖິງວ່າອາບີຊາຍຈະເປັນຫົວໜ້າແລະເກັ່ງທີ່ສຸດໃນກຸ່ມຂອງລາວ ແຕ່ລາວກໍບໍ່ໄດ້ມີຕຳແໜ່ງສ່ຳກັບທະຫານ 3 ຄົນທີ່ເກັ່ງທີ່ສຸດ.
20 ເບນາຢາ+ລູກຊາຍຂອງເຢໂຮຢາດາເປັນຄົນກ້າຫານ. ລາວເຮັດຫຼາຍສິ່ງທີ່ກ້າຫານຢູ່ເມືອງກັບເຊເອນ.+ ລາວຂ້າລູກຊາຍ 2 ຄົນຂອງອາຣີເອນທີ່ເປັນຄົນໂມອາບ. ໃນມື້ທີ່ມີຫິມະຕົກ ລາວລົງໄປໃນຂຸມເລິກແລະຂ້າໂຕສິງ.+ 21 ເບນາຢາຍັງໄດ້ຂ້າຜູ້ຊາຍເອຢິບຄົນໜຶ່ງທີ່ໂຕບັກໃຫຍ່ໆ. ຄົນເອຢິບຜູ້ນັ້ນຖືຫອກເພື່ອມາຕໍ່ສູ້ກັບເບນາຢາ. ເບນາຢາມີແຕ່ໄມ້ຄ້ອນເທົ້າເທົ່ານັ້ນ ແຕ່ເບນາຢາກໍຍາດເອົາຫອກທີ່ຢູ່ໃນມືຂອງຄົນເອຢິບແລະເອົາຫອກນັ້ນແທງລາວຕາຍ. 22 ທັງໝົດນີ້ແມ່ນສິ່ງທີ່ເບນາຢາລູກຊາຍຂອງເຢໂຮຢາດາໄດ້ເຮັດ. ລາວມີຊື່ສຽງສ່ຳກັບພວກທະຫານ 3 ຄົນທີ່ເກັ່ງທີ່ສຸດ. 23 ເຖິງວ່າເບນາຢາຈະເກັ່ງກວ່າພວກທະຫານ 30 ຄົນ ແຕ່ລາວກໍບໍ່ໄດ້ມີຕຳແໜ່ງສ່ຳກັບທະຫານ 3 ຄົນທີ່ເກັ່ງທີ່ສຸດ. ແຕ່ດາວິດໄດ້ແຕ່ງຕັ້ງລາວໃຫ້ເປັນຫົວໜ້າພວກທະຫານປ້ອງກັນໂຕດາວິດ.
24 ພວກທະຫານ 30* ຄົນມີ: ອາສາເຮນ+ນ້ອງຊາຍຂອງໂຢອາບ ເອນຮະນັນລູກຊາຍຂອງໂດໂດຄົນເບັດເລເຮັມ+ 25 ຊາມມາຄົນຫາໂຣດ ເອລີກາຄົນຫາໂຣດ 26 ເຮເລັດ+ຄົນເບັດເປເລັດ ອີຣາ+ລູກຊາຍຂອງອິກເກດຄົນເຕໂກອາ 27 ອາບີເອເຊ+ຄົນອານາໂທດ+ ເມບຸນນາຍຄົນຮູຊາ 28 ຊານໂມນຄົນອາໂຮອາ ມາຮາຣາຍ+ຄົນເນໂຕຟາ 29 ເຮເລັບລູກຊາຍຂອງບາອານ້າຄົນເນໂຕຟາ ອິດຕາຍລູກຊາຍຂອງຣີບາຍຄົນເບັນຢາມິນຈາກເມືອງກີເບອາ 30 ເບນາຢາ+ຄົນປີຣາໂທນ ຮິດດາຍຈາກຮ່ອມພູ*ກາອາດ+ 31 ອາບີອານໂບນຄົນເບັດອາຣາບາ ອາຊະມາເວດຄົນບາຮູຣີມ 32 ເອລີຢາບາຄົນຊາອານບີມ ພວກລູກຊາຍຂອງຢາເຊນ ໂຢນາທານ 33 ຊາມມາຄົນຮາຣາ ອາຮີອາມລູກຊາຍຂອງຊາຣານຄົນຮາຣາ 34 ເອລີເຟເລັດລູກຊາຍຂອງອາຮາສະບາຍລູກຫຼານຂອງຄົນມາອາກາ ເອລີອາມລູກຊາຍຂອງອາຮີໂທເຟັນ+ຄົນກິໂລ 35 ເຮດຊະໂຣຄົນກາເມນ ປາອາຣາຍຄົນອາຣັບ 36 ອີການລູກຊາຍຂອງນາທານຄົນໂຊບາ ບານີຄົນຄາດ 37 ເຊເລັກຄົນອຳໂມນ ນາຮາຣາຍຄົນເບເອໂຣດທີ່ເປັນຄົນຖືອາວຸດໃຫ້ໂຢອາບລູກຊາຍຂອງເຊຣູຢາ 38 ອີຣາຄົນອິດຣີ ກາເຣບຄົນອິດຣີ+ 39 ແລະອູຣີຢາ+ຄົນເຮດ. ລວມທັງໝົດມີ 37 ຄົນ.