ພະນິມິດທີ່ເປີດເຜີຍໃຫ້ໂຢຮັນ
2 “ໃຫ້ຂຽນຫາຜູ້ສົ່ງຂ່າວ*+ຂອງປະຊາຄົມໃນເມືອງເອເຟໂຊ+ຈັ່ງຊີ້. ເພິ່ນຜູ້ທີ່ຖືດາວ 7 ດວງໄວ້ໃນມືເບື້ອງຂວາແລະຍ່າງຢູ່ທ່າມກາງຂາຕະກຽງຄຳ 7 ອັນ+ເວົ້າວ່າ 2 ‘ຂ້ອຍຮູ້ໃນສິ່ງທີ່ເຈົ້າເຮັດ ຮູ້ວ່າເຈົ້າເຮັດວຽກໜັກແລະອົດທົນສ່ຳໃດ. ຂ້ອຍຮູ້ວ່າເຈົ້າອົດທົນຕໍ່ຄົນຊົ່ວບໍ່ໄດ້ ແລະເຈົ້າທົດສອບພວກທີ່ອ້າງວ່າເປັນອັກຄະສາວົກ*+ແຕ່ທີ່ຈິງແລ້ວເຂົາເຈົ້າບໍ່ໄດ້ເປັນ ແລະເຈົ້າຈັບໄດ້ວ່າເຂົາເຈົ້າຂີ້ຕົວະ. 3 ນອກຈາກນັ້ນ ເຈົ້າກຳລັງອົດທົນກັບຫຼາຍສິ່ງ. ເຈົ້າອົດທົນຕໍ່ຄວາມລຳບາກຕ່າງໆເພື່ອເຫັນແກ່ຊື່ຂອງຂ້ອຍ+ແລະເຈົ້າບໍ່ທໍ້ຖອຍ.+ 4 ແຕ່ຂ້ອຍກໍມີເລື່ອງຈະຕັກເຕືອນເຈົ້ານຳວ່າ ເຈົ້າບໍ່ມີຄວາມຮັກແບບທີ່ເຈົ້າເຄີຍມີໃນຕອນທຳອິດ.
5 ດັ່ງນັ້ນ ໃຫ້ຄິດເບິ່ງວ່າ ຕອນນີ້ເຈົ້າປ່ຽນໄປຈາກເກົ່າຫຼາຍສ່ຳໃດ. ຂໍໃຫ້ກັບໃຈ+ແລະກັບໄປເຮັດຄືເກົ່າ. ຖ້າເຈົ້າບໍ່ກັບໃຈ ຂ້ອຍຈະມາຫາເຈົ້າແລະເອົາຂາຕະກຽງ+ຂອງເຈົ້າອອກໄປຈາກບ່ອນຂອງມັນ.+ 6 ແຕ່ກໍຍັງດີທີ່ເຈົ້າຊັງການກະທຳຂອງພວກນິກາຍນີໂກລາຍເຕ+ທີ່ຂ້ອຍເອງກໍຊັງຄືກັນ. 7 ຄົນທີ່ມີຫູ ຂໍໃຫ້ຟັງສິ່ງທີ່ພະລັງຂອງພະເຈົ້າເວົ້າກັບປະຊາຄົມຕ່າງໆທີ່ວ່າ+ ເຮົາຈະໃຫ້ຄົນທີ່ໄດ້ໄຊຊະນະ+ກິນໝາກຈາກຕົ້ນໄມ້ທີ່ໃຫ້ຊີວິດ+ເຊິ່ງຢູ່ໃນອຸທິຍານຂອງພະເຈົ້າ.’
8 ໃຫ້ຂຽນຫາຜູ້ສົ່ງຂ່າວຂອງປະຊາຄົມໃນເມືອງຊະມີນາຈັ່ງຊີ້. ເພິ່ນຜູ້ທີ່ຖືກເອີ້ນວ່າ ‘ຜູ້ທຳອິດແລະຜູ້ສຸດທ້າຍ’+ ທີ່ເຄີຍຕາຍແລະຄືນມາມີຊີວິດອີກ+ເວົ້າວ່າ 9 ‘ຂ້ອຍຮູ້ວ່າເຈົ້າລຳບາກແລະທຸກຍາກ ແຕ່ທີ່ຈິງແລ້ວເຈົ້າຮັ່ງ.+ ຂ້ອຍຮູ້ວ່າເຈົ້າຖືກພວກທີ່ເອີ້ນໂຕເອງວ່າຄົນຢິວດູຖູກ ທີ່ຈິງແລ້ວເຂົາເຈົ້າບໍ່ແມ່ນຄົນຢິວ ແຕ່ເປັນພັກພວກ*ຂອງຊາຕານ.+ 10 ຢ່າຢ້ານຄວາມທຸກທີ່ເຈົ້າກຳລັງຈະເຈິ.+ ຟັງເດີ້! ມານຮ້າຍຈະຈັບພວກເຈົ້າບາງຄົນຂັງໄວ້ໃນຄຸກເຊິ່ງຈະເປັນການທົດສອບພວກເຈົ້າຢ່າງເຕັມທີ ແລະພວກເຈົ້າຈະຕ້ອງທົນທຸກລຳບາກຮອດ 10 ມື້. ແຕ່ຂໍໃຫ້ສັດຊື່ຈົນຮອດມື້ຕາຍ ແລ້ວຂ້ອຍຈະໃຫ້ຊີວິດເປັນລາງວັນ*ກັບພວກເຈົ້າ.+ 11 ຄົນທີ່ມີຫູ ຂໍໃຫ້ຟັງ+ສິ່ງທີ່ພະລັງຂອງພະເຈົ້າເວົ້າກັບປະຊາຄົມຕ່າງໆທີ່ວ່າ ຄົນທີ່ໄດ້ໄຊຊະນະ+ຈະບໍ່ໄດ້ຮັບອັນຕະລາຍຫຍັງເລີຍຈາກຄວາມຕາຍປະເພດທີ 2.’*+
12 ໃຫ້ຂຽນຫາຜູ້ສົ່ງຂ່າວຂອງປະຊາຄົມໃນເມືອງເປຄາໂມຈັ່ງຊີ້. ເພິ່ນຜູ້ທີ່ມີດາບ 2 ຄົມທີ່ຍາວແລະຄົມຫຼາຍເວົ້າວ່າ+ 13 ‘ຂ້ອຍຮູ້ຈັກບ່ອນທີ່ເຈົ້າຢູ່. ບ່ອນນັ້ນເປັນທີ່ຕັ້ງຂອງບັນລັງຊາຕານ. ແຕ່ເຖິງຈະເປັນແນວນັ້ນ ເຈົ້າກໍຍັງພັກດີຕໍ່ຂ້ອຍ*+ແລະເຊື່ອໃນຂ້ອຍສະເໝີ+ ເຖິງວ່າຕອນນັ້ນອັນຕິປາພະຍານຜູ້ສັດຊື່ຂອງຂ້ອຍ+ຖືກຂ້າ+ໃນເມືອງຂອງເຈົ້າທີ່ເປັນບ່ອນຢູ່ຂອງຊາຕານ.
14 ແຕ່ຂ້ອຍກໍມີເລື່ອງຈະຕັກເຕືອນເຈົ້ານຳວ່າ ມີບາງຄົນໃນພວກເຈົ້າເຮັດຕາມຄຳສອນຂອງບາລາອາມ+ທີ່ໄດ້ສອນບາລາກ+ໃຫ້ຊັກຈູງຄົນອິດສະຣາເອນຈົນເຂົາເຈົ້າຫຼົງເຮັດຜິດ ເຮັດໃຫ້ເຂົາເຈົ້າກິນເຄື່ອງບູຊາທີ່ເອົາໃຫ້ຮູບບູຊາແລະເຮັດຜິດສິນລະທຳທາງເພດ.*+ 15 ນອກຈາກນັ້ນ ບາງຄົນໃນພວກເຈົ້າໄດ້ເຮັດຕາມຄຳສອນຂອງພວກນິກາຍນີໂກລາຍເຕ.+ 16 ດັ່ງນັ້ນ ຂໍໃຫ້ກັບໃຈ. ຄັນບໍ່ຊັ້ນ ຂ້ອຍຈະຟ້າວມາຫາພວກເຈົ້າແລະຈະໃຊ້ດາບທີ່ຍາວຢູ່ປາກຂອງຂ້ອຍຕໍ່ສູ້ເຂົາເຈົ້າ.+
17 ຄົນທີ່ມີຫູ ຂໍໃຫ້ຟັງສິ່ງທີ່ພະລັງຂອງພະເຈົ້າເວົ້າກັບປະຊາຄົມຕ່າງໆທີ່ວ່າ+ ຄົນທີ່ໄດ້ໄຊຊະນະ+ຈະໄດ້ຮັບມານາ+ທີ່ເຊື່ອງໄວ້ແລະຈະໄດ້ຮັບຫີນກ້ອນນ້ອຍໆມົນໆສີຂາວ. ເທິງຫີນນັ້ນມີຊື່ໃໝ່ຂຽນໄວ້ເຊິ່ງບໍ່ມີຜູ້ໃດຮູ້ຈັກນອກຈາກຄົນທີ່ໄດ້ຮັບ.’
18 ໃຫ້ຂຽນຫາຜູ້ສົ່ງຂ່າວຂອງປະຊາຄົມໃນເມືອງທົວຕີຣາ+ຈັ່ງຊີ້. ລູກຂອງພະເຈົ້າທີ່ມີຕາຄືກັບແປວໄຟ+ແລະມີຕີນຄືກັບທອງແດງທີ່ເຫຼື້ອມໆເວົ້າວ່າ+ 19 ‘ຂ້ອຍຮູ້ສິ່ງທີ່ເຈົ້າເຮັດ ຮູ້ວ່າເຈົ້າມີຄວາມຮັກ ຄວາມເຊື່ອ ເຮັດວຽກຮັບໃຊ້ ແລະອົດທົນ. ຂ້ອຍຍັງຮູ້ອີກວ່າຕອນນີ້ເຈົ້າເຮັດຫຼາຍກວ່າແຕ່ກີ້.
20 ແຕ່ຂ້ອຍກໍມີເລື່ອງຈະຕັກເຕືອນເຈົ້ານຳວ່າ ເລື່ອງທີ່ເຈົ້າປ່ອຍໃຫ້ຜູ້ຍິງແບບເຢເຊເບນ+ທີ່ເອີ້ນໂຕເອງວ່າຜູ້ພະຍາກອນມາສອນແລະຊັກຈູງທາດຂອງຂ້ອຍໃຫ້ເຮັດຜິດສິນລະທຳທາງເພດ*+ແລະກິນເຄື່ອງບູຊາທີ່ເອົາໃຫ້ຮູບບູຊາ 21 ຂ້ອຍໃຫ້ເວລາລາວກັບໃຈ ແຕ່ລາວບໍ່ຍອມກັບໃຈຈາກການເຮັດຜິດສິນລະທຳທາງເພດ. 22 ຖ້າເບິ່ງເດີ້! ຂ້ອຍຈະເຮັດໃຫ້ລາວເຈັບປ່ວຍໜັກຈົນລຸກບໍ່ໄດ້ ແລະຈະເຮັດໃຫ້ພວກທີ່ເປັນຊູ້ກັບລາວຕ້ອງທຸກທໍລະມານຫຼາຍ. ນອກຈາກວ່າເຂົາເຈົ້າຈະກັບໃຈແລະເຊົາເຮັດຊົ່ວຄືກັບລາວ. 23 ຂ້ອຍຈະເຮັດໃຫ້ລູກຂອງລາວຕາຍດ້ວຍພະຍາດຮ້າຍແຮງ ເພື່ອທຸກປະຊາຄົມຈະຮູ້ວ່າຂ້ອຍເປັນຜູ້ກວດເບິ່ງສ່ວນທີ່ເລິກທີ່ສຸດຂອງຄວາມຄິດຈິດໃຈ*ແລະກວດເບິ່ງຫົວໃຈ. ຂ້ອຍຈະຕອບແທນທຸກຄົນຕາມສິ່ງທີ່ເຂົາເຈົ້າເຮັດ.+
24 ສ່ວນຄົນທີ່ເຫຼືອໃນເມືອງທົວເຕຣາເຊິ່ງກໍແມ່ນທຸກຄົນທີ່ບໍ່ເຮັດຕາມຄຳສອນຂອງເຢເຊເບນ ແລະຄົນທີ່ບໍ່ຮູ້ຈັກສິ່ງທີ່ເອີ້ນກັນວ່າ “ສິ່ງເລິກເຊິ່ງຂອງຊາຕານ”+ ຂ້ອຍຈະບອກໃຫ້ຮູ້ວ່າ ຂ້ອຍຈະບໍ່ເພີ່ມພາລະອື່ນໃຫ້ພວກເຈົ້າອີກ. 25 ແນວໃດກໍຕາມ ຂໍໃຫ້ພວກເຈົ້າຍຶດໝັ້ນກັບສິ່ງດີໆທີ່ມີຢູ່ຈົນກວ່າຂ້ອຍຈະມາ.+ 26 ແລ້ວຜູ້ທີ່ເຮັດຕາມຄຳສັ່ງຂອງຂ້ອຍຈົນເຖິງທີ່ສຸດແລະທີ່ໄດ້ໄຊຊະນະ ຂ້ອຍຈະໃຫ້ລາວມີອຳນາດເໜືອປະເທດຕ່າງໆ.+ 27 ລາວຈະປົກຄອງ*ດ້ວຍຄ້ອນເຫຼັກຂອງກະສັດ+ແລະທຸບພວກນັ້ນໃຫ້ແຕກເປັນປ່ຽງໆຄືກັບເຄື່ອງໃຊ້ທີ່ເປັນດິນເຜົາ. ລາວຈະໄດ້ຮັບອຳນາດຄືກັບທີ່ຂ້ອຍໄດ້ຮັບຈາກພໍ່ຂອງຂ້ອຍ. 28 ຂ້ອຍຈະເອົາດາວຮຸ່ງທີ່ແຈ້ງໆ*+ໃຫ້ລາວ. 29 ຄົນທີ່ມີຫູ ຂໍໃຫ້ຟັງສິ່ງທີ່ພະລັງຂອງພະເຈົ້າເວົ້າກັບປະຊາຄົມຕ່າງໆ.’”