ເພງສັນລະເສີນ
ל [ລາເມດ]
10 ພະເຢໂຫວາເອີ້ຍ ເປັນຫຍັງພະອົງຄືຢູ່ໄກແທ້?
ເປັນຫຍັງພະອົງຈຶ່ງໄປລີ້ຕອນທີ່ພວກເຮົາທຸກຍາກລຳບາກ?+
2 ຄົນຊົ່ວຈອງຫອງແລະໄລ່ນຳຫຼັງຄົນທີ່ບໍ່ມີທາງສູ້+
ແຕ່ລາວຈະຖືກຈັບໄປຍ້ອນແຜນຊົ່ວຂອງໂຕເອງ.+
3 ຄົນຊົ່ວອວດຄວາມຕ້ອງການທີ່ເຫັນແກ່ໂຕຂອງໂຕເອງ+
ແລະໄດ້ອວຍພອນໃຫ້ຄົນໂລບ.*
נ [ນູນ]
ລາວບໍ່ນັບຖືພະເຢໂຫວາເລີຍ.
4 ຍ້ອນຄົນຊົ່ວຍິ່ງຈອງຫອງ ລາວຈຶ່ງບໍ່ຊອກຫາພະເຈົ້າ.
ລາວຄິດແຕ່ວ່າ: “ບໍ່ມີພະເຈົ້າດອກ.”+
5 ລາວເຮັດຫຍັງກໍໄດ້ດິບໄດ້ດີ+
ແຕ່ລາວບໍ່ເຂົ້າໃຈການຕັດສິນຂອງພະອົງ.+
ລາວດູຖູກແລະຂົ່ມເຫງສັດຕູຂອງລາວ.
6 ລາວຄິດໃນໃຈວ່າ: “ຂ້ອຍຈະບໍ່ມີມື້ຈິບຫາຍດອກ
ແລະຕໍ່ໄປໃນອະນາຄົດ
ຄວາມຈິບຫາຍກໍຈະບໍ່ເກີດຂຶ້ນກັບຂ້ອຍຈັກເທື່ອ.”+
פ [ເພ]
7 ໃນປາກຂອງລາວເຕັມແຕ່ຄຳສາບແຊ່ງ ຄຳຕົວະ ແລະຄຳຂົ່ມຂູ່.+
ລາວໃຊ້ລີ້ນຂອງລາວສ້າງບັນຫາແລະຄວາມເຈັບປວດ.+
8 ລາວລັດໂຈມຕີຢູ່ໃກ້ບ້ານຕ່າງໆ.
ລາວອອກຈາກບ່ອນລີ້ມາຂ້າຄົນທີ່ບໍ່ມີຄວາມຜິດ.+
ע [ອາຢິນ]
ລາວຖ້າເບິ່ງວ່າໃຜຈະມາເປັນເຫຍື່ອຂອງລາວ.+
9 ລາວຖ້າຢູ່ບ່ອນລີ້ຂອງລາວຄືກັບໂຕສິງຢູ່ໃນຖ້ຳ.*+
ລາວຖ້າຄຸບຄົນທີ່ໝົດຫວັງ.
ລາວວາງກັບດັກຈັບຄົນທີ່ບໍ່ມີຜູ້ໃດຊ່ວຍ.+
10 ເຫຍື່ອຂອງລາວຖືກລາວຄຸບລົ້ມລົງຢູ່ພື້ນ.
ຄົນທີ່ອ່ອນແອກໍຢູ່ໃນກຳມື*ຂອງລາວ.
11 ລາວຄິດໃນໃຈວ່າ: “ພະເຈົ້າລືມລາວລະແຫຼະ.+
ເພິ່ນປິ່ນໜ້າໄປທາງອື່ນແລ້ວ.
ເພິ່ນບໍ່ເຫັນດອກ.”+
ק [ໂຄບ]
12 ພະເຢໂຫວາພະເຈົ້າເອີ້ຍ+ ຂໍພະອົງເຮັດຫຍັງຈັກຢ່າງ.+
ຂໍພະອົງຢ່າລືມຄົນທີ່ໝົດຫວັງ.+
13 ພະເຈົ້າເອີ້ຍ ເປັນຫຍັງຄົນຊົ່ວຄືບໍ່ນັບຖືພະອົງ?
ລາວຄິດໃນໃຈວ່າ: “ພະເຈົ້າບໍ່ເຮັດຫຍັງໃຫ້ຂ້ອຍດອກ.”
ר [ເຣດ]
14 ແຕ່ພະອົງເຫັນບັນຫາແລະຄວາມທຸກລຳບາກ.
ພະອົງເຫັນທຸກສິ່ງແລະລົງມືຈັດການໃຫ້.+
ש [ຊິນ]
15 ຂໍພະອົງຫັກແຂນຂອງຄົນຊົ່ວ+
ເພື່ອຕອນທີ່ພະອົງຊອກຫາຄວາມຊົ່ວຂອງລາວ
ພະອົງຈະໄດ້ບໍ່ເຈິອີກ.
16 ພະເຢໂຫວາເປັນກະສັດຕະຫຼອດໄປ.+
ຊາດຕ່າງໆໄດ້ຖືກທຳລາຍໄປຈາກໂລກນີ້ແລ້ວ.+
ת [ເທົາ]
17 ພະເຢໂຫວາເອີ້ຍ ພະອົງຈະຟັງຄຳຮ້ອງຂໍຂອງຄົນຖ່ອມ.+
ພະອົງຈະໃຫ້ກຳລັງກັບເຂົາເຈົ້າ+ແລະຕັ້ງໃຈຟັງເຂົາເຈົ້າ.+