ເພງສັນລະເສີນ
ເພງສຳລັບຍ່າງຂຶ້ນ.*
132 ພະເຢໂຫວາເອີ້ຍ ຂໍພະອົງຈື່ລູກ ດາວິດ
ແລະຂໍພະອົງຈື່ຄວາມທຸກທັງໝົດຂອງລູກ.+
2 ລູກໄດ້ສາບານຕໍ່ພະເຢໂຫວາ.
ລູກໄດ້ສັນຍາກັບພະເຈົ້າຜູ້ມີລິດເດດຂອງຢາໂຄບວ່າ:+
3 “ລູກຈະບໍ່ເຂົ້າໄປໃນເຕັ້ນຫຼືເຮືອນຂອງລູກ.+
ລູກຈະບໍ່ນອນຢູ່ເທິງບ່ອນນອນຫຼືຕຽງຂອງລູກ.
4 ລູກຈະບໍ່ຍອມໄປນອນ
ຫຼືແມ່ນແຕ່ຫຼັບຕາ
5 ຈົນກວ່າລູກຈະເຈິບ່ອນສຳລັບວິຫານຂອງພະເຢໂຫວາ
ບ່ອນສຳລັບເຕັ້ນສັກສິດທີ່ຍິ່ງໃຫຍ່*ຂອງພະເຈົ້າຜູ້ມີລິດເດດຂອງຢາໂຄບ.”+
7 ໃຫ້ພວກເຮົາເຂົ້າໄປໃນເຕັ້ນສັກສິດທີ່ຍິ່ງໃຫຍ່ຂອງເພິ່ນ.+
ໃຫ້ພວກເຮົາໝູບລົງຢູ່ບ່ອນວາງຕີນຂອງເພິ່ນ.+
8 ພະເຢໂຫວາເອີ້ຍ ຂໍພະອົງລຸກຂຶ້ນເພື່ອເຂົ້າມາໃນບ່ອນຢຸດພັກຂອງພະອົງ+
ທັງພະອົງແລະຫີບສັນຍາທີ່ເປັນສັນຍະລັກເຖິງລິດເດດຂອງພະອົງ.+
9 ຂໍໃຫ້ປະໂລຫິດຂອງພະອົງນຸ່ງຄວາມຍຸຕິທຳ
ແລະຂໍໃຫ້ຄົນທີ່ສັດຊື່ຕໍ່ພະອົງຮ້ອງດ້ວຍຄວາມຍິນດີ.
10 ຂໍພະອົງຢ່າປະຕິເສດຜູ້ທີ່ພະອົງເລືອກ
ເພື່ອເຫັນແກ່ດາວິດຜູ້ຮັບໃຊ້ຂອງພະອົງ.+
11 ພະເຢໂຫວາໄດ້ສາບານກັບດາວິດ
ແລະເພິ່ນຈະບໍ່ປີ້ນຄວາມແນ່ນອນ. ເພິ່ນເວົ້າວ່າ:
“ເຮົາຈະໃຫ້ລູກຫຼານຄົນໜຶ່ງຂອງເຈົ້ານັ່ງເທິງບັນລັງຂອງເຈົ້າ.+
12 ຖ້າລູກຫຼານຂອງເຈົ້າເຮັດຕາມສັນຍາທີ່ໃຫ້ໄວ້ກັບເຮົາ
ແລະເຮັດຕາມຂໍ້ເຕືອນໃຈທີ່ເຮົາສອນເຂົາເຈົ້າ+
ລູກຫຼານຂອງເຂົາເຈົ້າ
ກໍຈະໄດ້ນັ່ງເທິງບັນລັງຂອງເຈົ້າຕະຫຼອດໄປຄືກັນ.”+
14 “ນີ້ແມ່ນບ່ອນຢຸດພັກຂອງເຮົາຕະຫຼອດໄປ.
ເຮົາຈະຢູ່ບ່ອນນີ້+ ຍ້ອນນີ້ແມ່ນສິ່ງທີ່ເຮົາຕ້ອງການ.
15 ເຮົາຈະອວຍພອນບ່ອນນີ້ໃຫ້ມີອາຫານຫຼາຍແທ້ຫຼາຍວ່າ.
ເຮົາຈະໃຫ້ຄົນທຸກມີເຂົ້າກິນຈົນອີ່ມ.+
17 ເຮົາຈະໃຫ້ດາວິດມີກຳລັງເຂັ້ມແຂງຂຶ້ນ.*
ເຮົາໄດ້ກຽມຕະກຽງໄວ້ສຳລັບຜູ້ທີ່ເຮົາໄດ້ເລືອກແລ້ວ.+
18 ເຮົາຈະເອົາຄວາມອັບອາຍຂາຍໜ້ານຸ່ງໃຫ້ສັດຕູຂອງລາວ
ແຕ່ມົງກຸດຢູ່ຫົວຂອງລາວຈະສ່ອງແສງເຫຼື້ອມຍິບຍັບ.”+