ຫ້ອງສະໝຸດອອນລາຍຂອງວັອດສ໌ທາວເວີ້
ຫໍສັງເກດການ
ຫ້ອງສະໝຸດອອນລາຍ
ລາວ
  • ຄຳພີໄບເບິນ
  • ສິ່ງພິມ
  • ການປະຊຸມ
  • ຮຮ ບົດຮຽນ 13 ໜ້າ 26-27
  • ທ່ານ​ຈະ​ພົບ​ສາສະໜາ​ແທ້​ໄດ້​ຢ່າງ​ໃດ?

ສ່ວນນີ້ບໍ່ມີວິດີໂອ

ຂໍອະໄພ ບໍ່ສາມາດເປີດວິດີໂອໄດ້

  • ທ່ານ​ຈະ​ພົບ​ສາສະໜາ​ແທ້​ໄດ້​ຢ່າງ​ໃດ?
  • ພະຜູ້ສ້າງຮຽກຮ້ອງສິ່ງໃດຈາກເຮົາ?
  • ເລື່ອງທີ່ຄ້າຍກັນ
  • ທ່ານ​ຈະ​ຮູ້ຈັກ​ການ​ນະມັດສະການ​ແທ້​ໄດ້​ແນວ​ໃດ?
    ຂ່າວດີຈາກພະເຈົ້າ!
  • ການ​ນະມັດສະການ​ທີ່​ພະເຈົ້າ​ຍອມ​ຮັບ
    ຄຳພີໄບເບິນສອນແນວໃດແທ້ໆ?
  • ວິທີ​ພົບ​ສາສະໜາ​ແທ້
    ທ່ານສາມາດເປັນເພື່ອນຂອງພະເຈົ້າ!
  • ຄລິດສະຕຽນ​ແທ້​ຕ້ອງ​ເປັນ​ແນວ​ໃດ?
    ຊີວິດ​ທີ່​ມີ​ຄວາມ​ສຸກ​ຕະຫຼອດ​ໄປ!—ໄດ້​ຮັບ​ປະໂຫຍດ​ຈາກ​ການ​ຮຽນ​ຄຳພີ​ໄບເບິນ
ເບິ່ງຕື່ມ
ພະຜູ້ສ້າງຮຽກຮ້ອງສິ່ງໃດຈາກເຮົາ?
ຮຮ ບົດຮຽນ 13 ໜ້າ 26-27

ບົດຮຽນ 13

ທ່ານ​ຈະ​ພົບ​ສາສະໜາ​ແທ້​ໄດ້​ຢ່າງ​ໃດ?

ສາສະໜາ​ທັງ​ໝົດ​ເປັນ​ທີ່​ພໍ​ພະໄທ​ພະເຈົ້າ​ບໍ? ຫຼື​ພຽງ​ແຕ່​ສາສະໜາ​ດຽວ​ເທົ່າ​ນັ້ນ? (1)

ເປັນ​ຫຍັງ​ຈຶ່ງ​ມີ​ຫຼາຍ​ສາສະໜາ​ທີ່​ອ້າງ​ວ່າ​ເປັນ​ຄລິດສະຕຽນ? (2)

ທ່ານ​ຈະ​ລະບຸ​ຕົວ​ຄລິດສະຕຽນ​ແທ້​ໄດ້​ຢ່າງ​ໃດ? (3-7)

1. ພະ​ເຍຊູ​ກໍ່​ຕັ້ງ​ສາສະໜາ​ຄລິດສະຕຽນ​ແທ້​ສາສະໜາ​ດຽວ. ດັ່ງ​ນັ້ນ ປັດຈຸບັນ​ນີ້​ຕ້ອງ​ມີ​ຜູ້​ນະມັດສະການ​ແທ້​ຂອງ​ພະ​ເຢໂຫວາ​ພະເຈົ້າ​ພຽງ​ແຕ່​ຄະ​ນະ​ດຽວ​ຫຼື​ກຸ່ມ​ດຽວ​ທໍ່​ນັ້ນ. (ໂຍຮັນ 4:23, 24; ເອເຟດ 4:4, 5) ຄຳພີ​ໄບເບິນ​ສອນ​ວ່າ ມີ​ພຽງ​ແຕ່​ນ້ອຍ​ຄົນ​ເທົ່າ​ນັ້ນ​ທີ່​ເດີນ​ໃນ​ທາງ​ອັນ​ຄັບ​ແຄບ​ທີ່​ນຳ​ໄປ​ສູ່​ຊີວິດ.—ມັດທາຍ 7:13, 14.

2. ຄຳພີ​ໄບເບິນ​ໄດ້​ບອກ​ລ່ວງ​ໜ້າ​ວ່າ ຫຼັງ​ຈາກ​ພວກ​ອັກຄະສາວົກ​ສິ້ນ​ຊີວິດ ຄຳ​ສອນ​ບໍ່​ຖືກ​ຕ້ອງ​ແລະ​ກິດ​ປະຕິບັດ​ທີ່​ບໍ່​ແມ່ນ​ຕາມ​ຫຼັກ​ຄລິດສະຕຽນ​ຈະ​ຄ່ອຍໆ ເຂົ້າ​ມາ​ໃນ​ປະຊາຄົມ​ຄລິດສະຕຽນ. ຈະ​ມີ​ຄົນ​ຊັກ​ນຳ​ຜູ້​ເຊື່ອ​ຖື​ໃຫ້​ຕິດ​ຕາມ​ພວກ​ເຂົາ​ແທນ​ທີ່​ຈະ​ຕິດ​ຕາມ​ພະ​ຄລິດ. (ມັດທາຍ 7:15, 21-23; ກິດຈະການ 20:29, 30) ນັ້ນ​ຄື​ເຫດ​ທີ່​ເຮົາ​ເຫັນ​ສາສະໜາ​ຕ່າງ​ກັນ​ຫຼວງ​ຫຼາຍ​ອ້າງ​ຕົນ​ວ່າ​ເປັນ​ຄລິດສະຕຽນ. ເຮົາ​ຈະ​ລະບຸ​ຕົວ​ຄລິດສະຕຽນ​ແທ້​ໄດ້​ຢ່າງ​ໃດ?

3. ເຄື່ອງ​ໝາຍ​ເດັ່ນ​ທີ່​ສຸດ​ຂອງ​ຄລິດສະຕຽນ​ແທ້​ນັ້ນ​ຄື​ພວກ​ເຂົາ​ມີ​ຄວາມ​ຮັກ​ໃນ​ຫມູ່​ພວກ​ເຂົາ​ເອງ ຢ່າງ​ແທ້​ຈິງ. (ໂຍຮັນ 13:34, 35) ພວກ​ເຂົາ​ບໍ່​ໄດ້​ຮັບ​ການ​ສອນ​ໃຫ້​ຄຶດ​ວ່າ ຕົນ​ດີ​ກວ່າ​ຜູ້​ຄົນ​ໃນ​ເຊື້ອ​ຊາດ​ອື່ນ​ຫຼື​ຜິວ​ສີ​ອື່ນ. ພວກ​ເຂົາ​ກໍ່​ບໍ່​ໄດ້​ຖືກ​ສອນ​ໃຫ້​ກຽດ​ຊັງ​ຜູ້​ຄົນ​ຈາກ​ປະເທດ​ອື່ນ. (ກິດຈະການ 10:34, 35) ດັ່ງ​ນັ້ນ ພວກ​ເຂົາ​ຈຶ່ງ​ບໍ່​ເຂົ້າ​ຮ່ວມ​ໃນ​ການ​ຕໍ່​ສູ້. ຄລິດສະຕຽນ​ແທ້​ປະຕິບັດ​ຕໍ່​ກັນ​ຢ່າງ​ເປັນ​ພີ່​ນ້ອງ.—1 ໂຍຮັນ 4:20, 21.

4. ເຄື່ອງ​ໝາຍ​ອີກ​ອັນ​ນຶ່ງ​ຂອງ​ສາສະໜາ​ແທ້​ຄື​ສະມາຊິກ​ຂອງ​ສາສະໜາ​ແທ້​ມີ​ຄວາມ​ນັບຖື​ຢ່າງ​ເລິກ​ເຊິ່ງ​ຕໍ່​ຄຳພີ​ໄບເບິນ. ພວກ​ເຂົາ​ຍອມ​ຮັບ​ວ່າ ຄຳພີ​ໄບເບິນ​ເປັນ​ພະ​ຄຳ​ຂອງ​ເຈົ້າ​ແລະ​ເຊື່ອ​ສິ່ງ​ທີ່​ຄຳພີ​ໄບເບິນ​ກ່າວ​ນັ້ນ. (ໂຍຮັນ 17:17; 2 ຕີໂມເຕ 3:16, 17) ພວກ​ເຂົາ​ປະຕິບັດ​ຕໍ່​ພະ​ຄຳ​ຂອງ​ພະເຈົ້າ​ໃນ​ຖານະ​ເປັນ​ສິ່ງ​ທີ່​ມີ​ຄວາມ​ສຳຄັນ​ຍິ່ງ​ກວ່າ​ຄວາມ​ຄຶດ​ຫຼື​ປະເພນີ​ຂອງ​ມະນຸດ. (ມັດທາຍ 15:1-3, 7-9) ພວກ​ເຂົາ​ພະຍາຍາມ​ທີ່​ຈະ​ດຳເນີນ​ຊີວິດ​ປະຈຳວັນ​ຂອງ​ເຂົາ​ຕາມ​ຄຳພີ​ໄບເບິນ. ດັ່ງ​ນັ້ນ ພວກ​ເຂົາ​ບໍ່​ສອນ​ຢ່າງ​ນຶ່ງ​ແລ້ວ​ປະຕິບັດ​ອີກ​ຢ່າງ​ນຶ່ງ.—ຕິໂຕ 1:15, 16.

5. ສາສະໜາ​ແທ້​ຈະ​ຕ້ອງ​ຖວາຍ​ກຽດ​ແດ່​ພະ​ນາມ​ຂອງ​ພະເຈົ້າ ອີກ​ດ້ວຍ. (ມັດທາຍ 6:9) ພະ​ເຍຊູ​ໄດ້​ບອກ​ໃຫ້​ຄົນ​ຮູ້​ຈັກ​ພະ​ນາມ​ຂອງ​ພະເຈົ້າ​ນັ້ນ​ຄື ພະ​ເຢໂຫວາ. ຄລິດສະຕຽນ​ແທ້​ຈະ​ຕ້ອງ​ເຮັດ​ຢ່າງ​ດຽວ​ກັນ. (ໂຍຮັນ 17:6, 26; ໂລມ 10:13, 14 ແມ່ນ​ໃຜ​ຄື​ຜູ້​ຄົນ​ໃນ​ຊຸມ​ຊົນ​ຂອງ​ທ່ານ​ທີ່​ບອກ​ຄົນ​ອື່ນ​ໃຫ້​ຮູ້​ກ່ຽວ​ກັບ​ພະ​ນາມ​ຂອງ​ພະເຈົ້າ?

6. ຄລິດສະຕຽນ​ແທ້​ຕ້ອງ​ປະກາດ​ເລື່ອງ​ລາຊະອານາຈັກ​ຂອງ​ພະເຈົ້າ. ພະ​ເຍຊູ​ໄດ້​ກະທຳ​ດັ່ງ​ນັ້ນ. ພະອົງ​ເວົ້າ​ເຖິງ​ເລື່ອງ​ລາຊະອານາຈັກ​ຢູ່​ສະເໝີ. (ລຶກາ 8:1) ພະອົງ​ສັ່ງ​ເຫຼົ່າ​ສາວົກ​ຂອງ​ພະອົງ​ໃຫ້​ປະກາດ​ຂ່າວ​ສານ​ດຽວ​ກັນ​ນີ້​ໄປ​ທົ່ວ​ແຜ່ນດິນ​ໂລກ. (ມັດທາຍ 24:14; 28:19, 20) ຄລິດສະຕຽນ​ແທ້​ເຊື່ອ​ວ່າ ສະເພາະ​ແຕ່​ລາຊະອານາຈັກ​ຂອງ​ພະເຈົ້າ​ເທົ່າ​ນັ້ນ​ຈະ​ນຳ​ສັນຕິພາບ​ແລະ​ຄວາມ​ປອດໄພ​ແທ້​ມາ​ເທິງ​ແຜ່ນດິນ​ໂລກ​ນີ້.—ຄຳເພງ 146:3-5.

7. ສາວົກ​ຂອງ​ພະ​ເຍຊູ​ຕ້ອງ​ບໍ່​ເປັນ​ສ່ວນ​ຂອງ​ໂລກ​ຊົ່ວ​ນີ້. (ໂຍຮັນ 17:16) ພວກ​ເຂົາ​ບໍ່​ເຂົ້າ​ໄປ​ມີ​ສ່ວນ​ພົວ​ພັນ​ໃນ​ເລື່ອງ​ການ​ເມືອງ​ແລະ​ຄວາມ​ຂັດ​ແຍ້ງ​ທາງ​ສັງຄົມ​ຂອງ​ໂລກ. ພວກ​ເຂົາ​ຫຼີກ​ລ້ຽງ​ການ​ປະພຶດ, ກິດ​ປະຕິບັດ, ແລະ​ທ່າ​ທີ​ທີ່​ກໍ່​ຄວາມ​ເສຍຫາຍ​ທີ່​ຖື​ກັນ​ວ່າ​ເປັນ​ເລື່ອງ​ທຳມະດາ​ໃນ​ໂລກ. (ຍາໂກໂບ 1:27; 4:4) ທ່ານ​ຈະ​ລະບຸ​ກຸ່ມ​ສາສະໜາ​ທີ່​ມີ​ເຄື່ອງ​ໝາຍ​ຂອງ​ຫຼັກ​ການ​ຄລິດສະຕຽນ​ແທ້​ໃນ​ຊຸມ​ຊົນ​ຂອງ​ທ່ານ​ໄດ້​ບໍ?

[ຮູບ​ພາບ​ໜ້າ 26, 27]

ຄລິດສະຕຽນ​ແທ້​ຮັກ​ກັນ​ແລະ​ກັນ ນັບຖື​ຄຳພີ​ໄບເບິນ ແລະ​ປະກາດ​ເລື່ອງ​ລາຊະອານາຈັກ​ຂອງ​ພະເຈົ້າ

    ໜັງສືພາສາລາວ (1993-2025)
    ອອກຈາກລະບົບ
    ເຂົ້າສູ່ລະບົບ
    • ລາວ
    • ແຊຣ໌
    • ການຕັ້ງຄ່າ
    • Copyright © 2025 Watch Tower Bible and Tract Society of Pennsylvania
    • ເງື່ອນໄຂການນຳໃຊ້
    • ນະໂຍບາຍກ່ຽວກັບຂໍ້ມູນສ່ວນຕົວ
    • ຕັ້ງຄ່າຄວາມເປັນສ່ວນຕົວ
    • JW.ORG
    • ເຂົ້າສູ່ລະບົບ
    ແຊຣ໌