ບົດທີ 32

ການປົກຄອງຂອງພະເຈົ້າປົກຄອງແລ້ວ!

ສະບັບພິມ

ການປົກຄອງຂອງພະເຈົ້າເລີ່ມປົກຄອງໃນສະຫວັນໃນປີ ຄ.ສ 1914 ແລະໃນເວລາດຽວກັນ ການປົກຄອງຂອງມະນຸດກໍມາເຖິງໄລຍະສຸດທ້າຍ. ແຕ່ເຮົາຮູ້ໄດ້ແນວໃດ? ເຮົາຮູ້ເລື່ອງນີ້ໄດ້ຈາກຄຳພະຍາກອນໃນຄຳພີໄບເບິນ ສິ່ງຕ່າງໆທີ່ເກີດຂຶ້ນໃນໂລກ ແລະນິດໄສຂອງຜູ້ຄົນຕັ້ງແຕ່ປີ ຄ.ສ 1914.

1. ຄຳພະຍາກອນໃນຄຳພີໄບເບິນບອກໃຫ້ເຮົາຮູ້ຫຍັງ?

ຄຳພີໄບເບິນບອກໄວ້ໃນປຶ້ມດານີເອນວ່າການປົກຄອງຂອງພະເຈົ້າຈະເລີ່ມປົກຄອງເມື່ອໄລຍະເວລາທີ່ເອີ້ນວ່າ “7 ປີ” ສິ້ນສຸດລົງ. (ດານີເອນ 4:16, 17) ຫຼາຍຮ້ອຍປີຫຼັງຈາກສະໄໝຂອງດານີເອນ ຕອນທີ່ພະເຢຊູຢູ່ໃນໂລກເພິ່ນເອີ້ນໄລຍະເວລາ “7 ປີ” ວ່າ “ເວລາຂອງຄົນຕ່າງຊາດ” ແລະເພິ່ນບອກອີກວ່າໄລຍະເວລານັ້ນຍັງບໍ່ສິ້ນສຸດລົງ. (ລູກາ 21:24) ໃນບົດນີ້ເຮົາຈະໄດ້ຮູ້ວ່າໄລຍະເວລາ “7 ປີ” ໄດ້ຈົບລົງແລ້ວໃນປີ ຄ.ສ 1914.

2. ຕັ້ງແຕ່ປີ 1914 ມີຫຍັງເກີດຂຶ້ນແດ່ແລະນິດໄສຂອງຜູ້ຄົນເປັນແນວໃດ?

ພວກລູກສິດຂອງພະເຢຊູຖາມເພິ່ນວ່າ: “ຈະມີຫຍັງເປັນສັນຍານບອກໃຫ້ຮູ້ວ່າທ່ານກັບມາແລະບອກໃຫ້ຮູ້ວ່າພວກເຮົາຢູ່ໃນສະໄໝສຸດທ້າຍຂອງໂລກນີ້?” (ມັດທາຍ 24:3) ພະເຢຊູຕອບພວກລູກສິດວ່າ ຫຼັງຈາກທີ່ເພິ່ນປົກຄອງເປັນກະສັດໃນການປົກຄອງຂອງພະເຈົ້າທີ່ຢູ່ໃນສະຫວັນຈະມີຫຼາຍຢ່າງເກີດຂຶ້ນ ເຊັ່ນ ສົງຄາມ ການຂາດແຄນອາຫານ ແລະແຜ່ນດິນໄຫວ. (ອ່ານມັດທາຍ 24:7) ຄຳພີໄບເບິນບອກລ່ວງໜ້າອີກວ່າ ນິດໄສຂອງຜູ້ຄົນໃນ “ສະໄໝສຸດທ້າຍ” ຈະເຮັດໃຫ້ມີແຕ່ “ຄວາມຫຍຸ້ງຍາກລຳບາກ.” (2 ຕີໂມທຽວ 3:1-5) ເຫດການຕ່າງໆທີ່ເກີດຂຶ້ນໃນໂລກແລະນິດໄສຂອງຜູ້ຄົນກໍເປັນແບບນັ້ນແທ້ໆຕັ້ງແຕ່ປີ 1914.

3. ຫຼັງຈາກທີ່ການປົກຄອງຂອງພະເຈົ້າເລີ່ມປົກຄອງ ເປັນຫຍັງສະພາບການໃນໂລກຈຶ່ງຮ້າຍແຮງຂຶ້ນ?

ບໍ່ດົນຫຼັງຈາກທີ່ພະເຢຊູເປັນກະສັດໃນການປົກຄອງຂອງພະເຈົ້າ ເພິ່ນກໍເຮັດສົງຄາມໃນສະຫວັນກັບຊາຕານແລະພວກປີສາດ. ແລ້ວຝ່າຍຊາຕານກໍແພ້. ຄຳພີໄບເບິນບອກວ່າ ‘ຊາຕານຖືກຖິ້ມລົງມາໃນໂລກ ແລະທູດສະຫວັນທີ່ຢູ່ຝ່າຍມັນກໍຖືກຖິ້ມລົງມາຄືກັນ.’ (ພະນິມິດ 12:9, 10, 12) ຊາຕານໃຈຮ້າຍຫຼາຍເພາະມັນຮູ້ວ່າອີກບໍ່ດົນມັນຈະຖືກທຳລາຍ. ມັນເລີຍເຮັດໃຫ້ຜູ້ຄົນໃນໂລກຕ້ອງເຈິກັບຄວາມທຸກແລະຄວາມເຈັບປວດ. ນີ້ເຮັດໃຫ້ເຮົາເຂົ້າໃຈວ່າເປັນຫຍັງສະພາບການໃນໂລກຈຶ່ງຮ້າຍແຮງຂຶ້ນຂະໜາດນີ້! ແຕ່ການປົກຄອງຂອງພະເຈົ້າຈະເຮັດໃຫ້ບັນຫາທຸກຢ່າງໝົດໄປ.

ຮຽນຮູ້ຫຼາຍຂຶ້ນ

ເປັນຫຍັງເຮົາຈຶ່ງຮູ້ວ່າການປົກຄອງຂອງພະເຈົ້າເລີ່ມປົກຄອງໃນປີ 1914 ແລະເຮົາຢາກຈະເຮັດຫຍັງເມື່ອຮູ້ເລື່ອງນີ້.

4. ການຄິດໄລ່ເວລາຈາກສິ່ງທີ່ຄຳພີໄບເບິນບອກເຮັດໃຫ້ເຮົາຮູ້ວ່າການປົກຄອງຂອງພະເຈົ້າເລີ່ມປົກຄອງແລ້ວໃນປີ 1914

ເປີດວິດີໂອ.

ວິດີໂອ: ການປົກຄອງຂອງພະເຈົ້າເລີ່ມປົກຄອງໃນປີ 1914 (5:02)

ພະເຈົ້າເຮັດໃຫ້ເນບູກາດເນັດຊາກະສັດຂອງບາບີໂລນຝັນເຫັນສິ່ງທີ່ຈະເກີດຂຶ້ນໃນອະນາຄົດ. ດານີເອນອະທິບາຍວ່າ ຄວາມຝັນນີ້ກ່ຽວຂ້ອງກັບການປົກຄອງຂອງກະສັດເນບູກາດເນັດຊາແລະກ່ຽວຂ້ອງກັບການປົກຄອງຂອງພະເຈົ້ານຳ.—ອ່ານດານີເອນ 4:17a

ອ່ານດານີເອນ 4:20-26 ແລ້ວເບິ່ງແຜນວາດເພື່ອຕອບຄຳຖາມຕໍ່ໄປນີ້:

(ກ) ກະສັດເນບູກາດເນັດຊາຝັນເຫັນຫຍັງ?—ເບິ່ງຂໍ້ 20 ແລະ 21
(ຂ) ເກີດຫຍັງຂຶ້ນກັບຕົ້ນໄມ້?—ເບິ່ງຂໍ້ 23
(ຄ) ເກີດຫຍັງຂຶ້ນຫຼັງຈາກ “7 ປີ” ສິ້ນສຸດລົງ?—ເບິ່ງຂໍ້ 26

ຕົ້ນໄມ້ໃນຄວາມຝັນກ່ຽວຂ້ອງກັບການປົກຄອງຂອງພະເຈົ້າແນວໃດ

ຄຳພະຍາກອນ (ດານີເອນ 4:20-36)

ການປົກຄອງ

(ກ) ຕົ້ນໄມ້ໃຫຍ່

ການປົກຄອງສິ້ນສຸດລົງ

(ຂ) ‘ຕັດຕົ້ນໄມ້ໃຫ້ລົ້ມລົງ’ ແລະປ່ອຍໄວ້ “ຈົນຮອດ 7 ປີ”

ຕໍຕົ້ນໄມ້ທີ່ຖືກປອກເຫຼັກແລະປອກທອງແດງສຸບໄວ້.

ເລີ່ມການປົກຄອງອີກເທື່ອໜຶ່ງ

(ຄ) “ທ່ານກໍຈະໄດ້ອານາຈັກຄືນມາ”

ຄຳພະຍາກອນເກີດຂຶ້ນແທ້ເທື່ອທຳອິດ . . .

(ງ) ຕົ້ນໄມ້ໝາຍເຖິງໃຜ?—ເບິ່ງຂໍ້ 22
(ຈ) ການປົກຄອງຂອງກະສັດເນບູກາດເນັດຊາສິ້ນສຸດລົງແນວໃດ?—ອ່ານດານີເອນ 4:29-33
(ສ) ເກີດຫຍັງຂຶ້ນກັບກະສັດເນບູກາດເນັດຊາຫຼັງຈາກຄົບ “7 ປີ”?—ອ່ານດານີເອນ 4:34-36

ຄຳພະຍາກອນເກີດຂຶ້ນແທ້ເທື່ອທຳອິດ

ການປົກຄອງ

(ງ) ເນບູກາດເນັດຊາກະສັດຂອງບາບີໂລນ

ກະສັດເນບູກາດເນັດຊາຢືນດ້ວຍທ່າທາງທີ່ຍິ່ງຈອງຫອງ.

ການປົກຄອງສິ້ນສຸດລົງ

(ຈ) ຫຼັງຈາກປີ 606 ກ່ອນ ຄ.ສ ກະສັດເນບູກາດເນັດຊາເສຍສະຕິແລະບໍ່ສາມາດປົກຄອງໄດ້ເປັນເວລາ 7 ປີ

ເນບູກາດເນັດຊາໝອບຄານຢູ່ເທິງພື້ນດິນແລະກິນຫຍ້າຄືສັດ.

ເລີ່ມການປົກຄອງອີກເທື່ອໜຶ່ງ

(ສ) ກະສັດເນບູກາດເນັດຊາກັບມາເປັນປົກກະຕິແລະປົກຄອງອີກເທື່ອໜຶ່ງ

ກະສັດເນບູກາດເນັດຊາແນມຂຶ້ນໄປເທິງຟ້າແລະຍົກມືຂຶ້ນ.

ຄຳພະຍາກອນເກີດຂຶ້ນແທ້ເທື່ອທີສອງເຊິ່ງຍິ່ງໃຫຍ່ກວ່າ . . .

(ຊ) ຕົ້ນໄມ້ໝາຍເຖິງໃຜ?—ອ່ານ 1 ຂ່າວຄາວ 29:23
(ຍ) ການປົກຄອງຂອງກະສັດຄົນອິດສະຣາເອນທີ່ເປັນຕົວແທນຂອງພະເຈົ້າສິ້ນສຸດລົງຕອນໃດ? ເຮົາຮູ້ໄດ້ແນວໃດວ່າຕອນທີ່ພະເຢຊູຢູ່ໃນໂລກກໍບໍ່ມີການປົກຄອງຂອງກະສັດຄົນອິດສະຣາເອນທີ່ເປັນຕົວແທນຂອງພະເຈົ້າ?—ອ່ານລູກາ 21:24
(ດ) ພະເຢຊູເລີ່ມປົກຄອງໃນການປົກຄອງຂອງພະເຈົ້າຕອນໃດແລະເພິ່ນຈະປົກຄອງຈາກໃສ?

ຄຳພະຍາກອນເກີດຂຶ້ນແທ້ເທື່ອທີສອງເຊິ່ງຍິ່ງໃຫຍ່ກວ່າ

ການປົກຄອງ

(ຊ) ກະສັດອິດສະຣາເອນທີ່ເປັນຕົວແທນຂອງພະເຈົ້າ

ກະສັດຄົນອິດສະຣາເອນທີ່ສືບທອດອຳນາດກັນມານັ່ງຢູ່ເທິງບັນລັງ. ລັດສະເໝີຂອງພະເຢໂຫວາສ່ອງລົງມາໃສ່ເຂົາເຈົ້າ.

ການປົກຄອງສິ້ນສຸດລົງ

(ຍ) ເມືອງເຢຣູຊາເລັມຖືກທຳລາຍ ບໍ່ມີເຊື້ອສາຍກະສັດຄົນອິດສະຣາເອນປົກຄອງເປັນເວລາ 2.520 ປີ

ເມືອງເຢຣູຊາເລັມບູຮານຖືກໄຟເຜົາໃນປີ 607 ກ່ອນ ຄ.ສ. ເວລາຜ່ານໄປ 2.520 ປີ.

ເລີ່ມການປົກຄອງອີກເທື່ອໜຶ່ງ

(ດ) ພະເຢຊູເລີ່ມປົກຄອງເປັນກະສັດໃນການປົກຄອງຂອງພະເຈົ້າທີ່ຢູ່ໃນສະຫວັນ

ພະເຢຊູເລີ່ມປົກຄອງທົ່ວທັງໂລກໃນປີ ຄ.ສ 1914 ຈາກບັນລັງທີ່ຢູ່ໃນສະຫວັນ. ລັດສະໝີສ່ອງອອກມາຈາກໂຕ.

ໄລຍະເວລາ 7 ປີດົນປານໃດ?

ຂໍ້ຄຳພີບາງຂໍ້ຈະຊ່ວຍໃຫ້ເຮົາເຂົ້າໃຈຂໍ້ຄຳພີອື່ນໆຫຼາຍຂຶ້ນ. ຕົວຢາງເຊັ່ນ ປຶ້ມພະນິມິດບອກວ່າສາມປີເຄິ່ງເທົ່າກັບ 1.260 ມື້. (ພະນິມິດ 12:6, 14) ດັ່ງນັ້ນ ເຈັດປີຈຶ່ງເປັນສອງເທົ່າຂອງສາມປີເຄິ່ງຈະເທົ່າກັບ 2.520 ມື້. ໃນຄຳພີໄບເບິນບາງເທື່ອຄຳວ່າ “ມື້” ໝາຍເຖິງ “ປີ.” (ເອເຊກຽນ 4:6) ເພາະສະນັ້ນ ໄລຍະເວລາ “7 ປີ” ທີ່ເວົ້າເຖິງໃນປຶ້ມດານີເອນກໍຕ້ອງເທົ່າກັບ 2.520 ປີ.

5. ໂລກປ່ຽນໄປຕັ້ງແຕ່ປີ 1914

ເປີດວິດີໂອ.

ວິດີໂອ: ໂລກປ່ຽນໄປຕັ້ງແຕ່ປີ 1914 (1:10)

ພະເຢຊູບອກລ່ວງໜ້າວ່າໂລກຈະເປັນແນວໃດຫຼັງຈາກທີ່ເພິ່ນເປັນກະສັດ.ອ່ານລູກາ 21:9-11 ແລ້ວລົມກັນກ່ຽວກັບຄຳຖາມຕໍ່ໄປນີ້:

ຈາກຂໍ້ຄຳພີທີ່ອ່ານໄປ ມີເຫດການຫຍັງແດ່ທີ່ເຈົ້າໄດ້ເຫັນຫຼືເຄີຍໄດ້ຍິນ?

ອັກຄະສາວົກໂປໂລບອກວ່າ ໃນໄລຍະສຸດທ້າຍຂອງການປົກຄອງຂອງມະນຸດ ຜູ້ຄົນຈະມີນິດໄສແນວໃດ. ອ່ານ 2 ຕີໂມທຽວ 3:1-5 ແລ້ວລົມກັນກ່ຽວກັບຄຳຖາມຕໍ່ໄປນີ້:

ເຈົ້າເຫັນວ່າຜູ້ຄົນໃນທຸກມື້ນີ້ມີນິດໄສແນວໃດແດ່?

ຮູບ: ສາກຈາກວິດີໂອທີ່ສະແດງເຖິງສະພາບການຂອງໂລກແລະນິດໄສຂອງຜູ້ຄົນໃນສະໄໝສຸດທ້າຍ. 1. ຜູ້ນຳທະຫານຄົນໜຶ່ງກຳລັງຍົກມືແລະຮ້ອງປຸກໃຈທະຫານ. 2. ຊາກຕຶກຖະຫຼົ່ມຫຼັງຈາກເກີດແຜ່ນດິນໄຫວ. 3. ຍົນທະຫານ. 4. ຝູງຊົນໃສ່ໜ້າກາກຍ່າງຢູ່ທາງນອກ. 5. ຕຶກແຝດໃນເມືອງນິວຢອກມີໄຟໄໝ້ຫຼັງຈາກຖືກຍົນຕຳໂດຍສີມືຜູ້ກໍ່ການຮ້າຍ. 6. ຜູ້ຊາຍຄົນໜຶ່ງໃຊ້ຢາເສບຕິດ. 7. ຜົວຍົກກຳປັ້ນແລະຮ້ອງໃສ່ເມຍ. 8. ຢາເສບຕິດແລະເຄື່ອງດື່ມມຶນເມົາຫຼາຍຊະນິດ. 9. ຜູ້ຍິງສອງຄົນແຕ່ງໂຕຫຼູຫຼາແລະໃສ່ເພັດພອຍກຳລັງເຊວຟີ້. 10. ດີເຈຄົນໜຶ່ງເປີດເພງຢູ່ຄອນເສີດໃຫ້ຄົນເຕັ້ນ. 11. ຜູ້ກໍ່ການຈະລາຈົນໂຍນລະເບີດຂວດ.

6. ເຮົາຢາກຈະເຮັດຫຍັງເມື່ອຮູ້ວ່າການປົກຄອງຂອງພະເຈົ້າປົກຄອງແລ້ວ?

ອ່ານມັດທາຍ 24:3, 14 ແລ້ວລົມກັນກ່ຽວກັບຄຳຖາມຕໍ່ໄປນີ້:

ມີການເຮັດວຽກສຳຄັນຫຍັງທີ່ເຮັດໃຫ້ຮູ້ວ່າການປົກຄອງຂອງພະເຈົ້າປົກຄອງແລ້ວ?
ເຈົ້າຈະມີສ່ວນຮ່ວມໃນວຽກນີ້ໄດ້ແນວໃດ?

ການປົກຄອງຂອງພະເຈົ້າປົກຄອງໃນສະຫວັນແລ້ວ ແລະອີກບໍ່ດົນການປົກຄອງນີ້ຈະປົກຄອງທົ່ວທັງໂລກ. ອ່ານເຮັບເຣີ 10:24, 25 ແລ້ວລົມກັນກ່ຽວກັບຄຳຖາມຕໍ່ໄປນີ້:

ເຮົາທຸກຄົນຄວນເຮັດຫຍັງເມື່ອ “ເຫັນວ່າວັນນັ້ນໃກ້ຈະມາຮອດແລ້ວ”?

ຮູບ: 1. ນັກສຶກສາຄຳພີໄບເບິນຄົນໜຶ່ງເຂົ້າຮ່ວມການປະຊຸມຂອງພະຍານພະເຢໂຫວາ. 2. ນັກສຶກສາຄົນດຽວກັນນັ້ນປະກາດກັບຄົນຮູ້ຈັກ. — ຖ້າເຈົ້າຮູ້ຫຍັງບາງຢ່າງທີ່ເປັນປະໂຫຍດແລະອາດຈະຊ່ວຍຊີວິດຄົນອື່ນໄດ້ເຈົ້າຢາກຈະເຮັດຫຍັງ?

ບາງຄົນອາດຖາມວ່າ: “ເປັນຫຍັງພະຍານພະເຢໂຫວາຈຶ່ງບອກວ່າປີ 1914 ເປັນປີທີ່ສຳຄັນ?”

ຖ້າມີຄົນຖາມແບບນີ້ ເຈົ້າຈະຕອບແນວໃດ?

ສະຫຼຸບ

ຄຳພະຍາກອນໃນຄຳພີໄບເບິນ ການຄິດໄລ່ເວລາຈາກສິ່ງທີ່ຄຳພີໄບເບິນບອກ ແລະເຫດການຕ່າງໆທີ່ເກີດຂຶ້ນເຮັດໃຫ້ໝັ້ນໃຈວ່າການປົກຄອງຂອງພະເຈົ້າປົກຄອງແລ້ວ. ເຮົາເຊື່ອວ່າການປົກຄອງຂອງພະເຈົ້າປົກຄອງແລ້ວ ເຮົາເລີຍປະກາດເລື່ອງການປົກຄອງຂອງເພິ່ນແລະເຂົ້າຮ່ວມປະຊຸມເປັນປະຈຳ.

ຄຳຖາມທົບທວນ

ປຶ້ມດານີເອນບອກລ່ວງໜ້າວ່າຈະເກີດຫຍັງຂຶ້ນຫຼັງຈາກ “7 ປີ” ສິ້ນສຸດລົງ?
ອັນໃດເຮັດໃຫ້ເຈົ້າໝັ້ນໃຈວ່າການປົກຄອງຂອງພະເຈົ້າເລີ່ມປົກຄອງໃນປີ 1914?
ເຈົ້າຈະເຮັດຫຍັງເພື່ອສະແດງໃຫ້ເຫັນວ່າ ເຈົ້າເຊື່ອວ່າການປົກຄອງຂອງພະເຈົ້າປົກຄອງແລ້ວໃນຕອນນີ້?

ມື້ທີ່ຮຽນຈົບບົດນີ້

ສິ່ງທີ່ເຈົ້າເຮັດໄດ້

ມີຄຸນສົມບັດທີ່ຈະເປັນຜູ້ປະກາດຂ່າວດີ.

ອື່ນໆ:

ສິ່ງທີ່ເຈົ້າເຮັດໄດ້