ຊີວິດຄລິດສະຕຽນ
ລອງເຮັດປີໜຶ່ງກ່ອນ!
ລອງເຮັດຫຍັງ? ໄພໂອເນຍປະຈຳ! ຖ້າເຈົ້າລອງເຮັດເບິ່ງກໍຈະໄດ້ຮັບພະພອນແລະມີຄວາມສຸກຢ່າງແນ່ນອນ!—ສຸພາ. 10:22
ໂດຍການເປັນໄພໂອເນຍ ເຈົ້າສາມາດ . . .
ເປັນຜູ້ປະກາດຂ່າວດີທີ່ມີຄວາມຊຳນານແລະມີຄວາມສຸກກັບວຽກປະກາດຫຼາຍຂຶ້ນ.
ມີສາຍສຳພັນທີ່ແໜ້ນແຟ້ນກັບພະເຢໂຫວາ. ແຮ່ງເຈົ້າເວົ້າເລື່ອງຂອງພະອົງກັບຄົນອື່ນຫຼາຍເທົ່າໃດ ເຈົ້າກໍຈະສຳນຶກເຖິງຄວາມຢ້ານຢຳຕໍ່ຄຸນລັກສະນະຕ່າງໆ ຂອງພະອົງຫຼາຍເທົ່ານັ້ນ.
ມີຄວາມອີ່ມໃຈພໍໃຈເພາະໄດ້ໃຫ້ລາຊະອານາຈັກຂອງພະເຈົ້າມາເປັນສິ່ງສຳຄັນທີ່ສຸດໃນຊີວິດແລະມີຄວາມສຸກທີ່ໄດ້ສະລະຕົວເອງເພື່ອຊ່ວຍເຫຼືອຄົນອື່ນ.—ມັດ. 6:33; ກິດ. 20:35
ເຂົ້າຮ່ວມການປະຊຸມໄພໂອເນຍຕອນທີ່ຜູ້ດູແລໝວດຢ້ຽມຢາມ ປະຊຸມໄພໂອເນຍກ່ອນການປະຊຸມໝວດ ແລະໂຮງຮຽນໄພໂອເນຍ.
ມີໂອກາດຫຼາຍຂຶ້ນທີ່ຈະເລີ່ມແລະນຳການສຶກສາຄຳພີໄບເບິນ.
ໃຊ້ເວລາຫຼາຍຂຶ້ນກັບຜູ້ປະກາດຄົນອື່ນໆ ແລະມີຄວາມສຸກທີ່ໄດ້ໜູນໃຈກັນແລະກັນ.—ໂລມ 1:11, 12