ຊີວິດຄລິດສະຕຽນ
ໄວລຸ້ນ—ໃຫ້ເຈົ້າເປີດໃຈລົມກັບພໍ່ແມ່
ເປັນຫຍັງເຈົ້າຕ້ອງເປີດໃຈລົມກັບພໍ່ແມ່? (ສຸພາ 23:26) ເພາະພະເຢໂຫວາໃຫ້ພໍ່ແມ່ມີໜ້າທີ່ເບິ່ງແຍງແລະສັ່ງສອນເຈົ້າ. (ເພງ 127:3, 4) ແຕ່ຖ້າເຈົ້າບໍ່ເວົ້າວ່າເຈົ້າກັງວົນຫຼືເປັນຫ່ວງເລື່ອງຫຍັງມັນກໍຍາກທີ່ພໍ່ແມ່ຈະຊ່ວຍເຈົ້າໄດ້ແລະຖ້າບໍ່ເຮັດແບບນັ້ນເຈົ້າອາດຈະພາດໂອກາດທີ່ຈະໄດ້ຮຽນຈາກປະສົບການທີ່ດີຈາກພໍ່ແມ່. ແຕ່ຜິດບໍຖ້າເຈົ້າບໍ່ໄດ້ບອກພໍ່ແມ່ທຸກເລື່ອງ? ບໍ່ຜິດຕາບໃດທີ່ເຈົ້າບໍ່ໄດ້ຕົວະເພິ່ນ.—ສຸພາ 3:32
ເຈົ້າຈະລົມກັບພໍ່ແມ່ໄດ້ແນວໃດ? ລອງຫາໂອກາດທີ່ເໝາະສົມລົມກັບພວກເພິ່ນເບິ່ງ. ແຕ່ຖ້າເຈົ້າຮູ້ສຶກວ່າຍາກທີ່ຈະເວົ້າ ກໍໃຫ້ຂຽນບອກຄວາມຮູ້ສຶກແທນ. ຖ້າພໍ່ແມ່ຢາກລົມເລື່ອງທີ່ເຈົ້າບໍ່ພ້ອມທີ່ຈະລົມເດ? ຂໍໃຫ້ຈື່ໄວ້ວ່າພໍ່ແມ່ຢາກຊ່ວຍເຈົ້າແທ້ໆ. ໃຫ້ຄິດວ່າພໍ່ແມ່ເປັນໝູ່ແທ້ຂອງເຈົ້າ ບໍ່ແມ່ນສັດຕູ. ຖ້າເຈົ້າພະຍາຍາມເຕັມທີທີ່ຈະເປີດໃຈລົມກັບພໍ່ແມ່ ເຈົ້າກໍຈະໄດ້ຮັບປະໂຫຍດທັງໃນຕອນນີ້ແລະຕະຫຼອດໄປ!—ສຸພາ 4:10-12
ເບິ່ງວິດີໂອໄວລຸ້ນ—ຂ້ອຍຈະລົມກັບພໍ່ແມ່ໄດ້ແນວໃດ? ແລ້ວຕອບຄຳຖາມຕໍ່ໄປນີ້:
ອັນໃດເຮັດໃຫ້ເອັດສ໌ເທີກັບແພັດທຣິກໄດ້ຮູ້ແທ້ໆວ່າໂຕເອງເປັນຄົນແນວໃດ?
ເຈົ້າໄດ້ຮຽນຫຍັງຈາກຕົວຢ່າງຂອງພະເຢຊູ?
ເຈົ້າຮູ້ໄດ້ແນວໃດວ່າພໍ່ແມ່ເປັນຫ່ວງເຈົ້າ?
ພໍ່ແມ່ຢາກໃຫ້ເຈົ້າປະສົບຄວາມສຳເລັດໃນຊີວິດ
ຫຼັກການໃນຄຳພີໄບເບິນຂໍ້ໃດທີ່ຊ່ວຍເຈົ້າໃຫ້ລົມກັບພໍ່ແມ່ໄດ້?