ບົດຮຽນ 14

ເພື່ອນຂອງພະເຈົ້າຫຼີກລ່ຽງສິ່ງທີ່ບໍ່ດີ

ຊາຕານຊັກຊວນຜູ້ຄົນໃຫ້ເຮັດສິ່ງທີ່ບໍ່ດີ. ທຸກຄົນທີ່ຢາກເປັນເພື່ອນຂອງພະເຈົ້າຕ້ອງກຽດຊັງສິ່ງທີ່ພະເຢໂຫວາກຽດຊັງ. (ຄຳເພງ 97:10) ຕໍ່ໄປນີ້ແມ່ນບາງສິ່ງທີ່ເພື່ອນຂອງພະເຈົ້າຫຼີກລ່ຽງ:

Things that Jehovah hates include sexual sins, drunkenness, abortion, thievery, lying, uncontrolled anger, and gambling

ການເຮັດຜິດທາງເພດ. “ຢ່າຫຼິ້ນຊູ້ສູ່ຜົວເມຍທ່ານ.” (ອຸປະຍົກໜີ 20:14) ການມີເພດສຳພັນກ່ອນແຕ່ງດອງກໍຜິດເຊັ່ນກັນ.—1 ໂກລິນໂທ 6:18.

ການເມົາເຫຼົ້າ. “ຄົນຂີ້ເຫຼົ້າ . . . ຈະບໍ່ຮັບແຜ່ນດິນຂອງພະເຈົ້າເປັນມູນ.”—1 ໂກລິນໂທ 6:10

ການຄາຕະກຳ, ການເອົາລູກອອກ. “ຢ່າຂ້າຄົນ.”—ອຸປະຍົກໜີ 20:13.

ການລັກ. “ຢ່າລັກເອົາຂອງ.”—ອຸປະຍົກໜີ 20:15.

ການຕົວະ. ພະເຢໂຫວາກຽດຊັງ “ລີ້ນທີ່ເວົ້າບໍ່ຈິງ.”—ສຸພາສິດ 6:17.

ຄວາມຮຸນແຮງແລະຄວາມໃຈຮ້າຍທີ່ບໍ່ມີການຄວບຄຸມ. “ຄົນໃດທີ່ຮັກຄວາມຮຸນແຮງ [ພະເຢໂຫວາ] ກຽດຊັງຢ່າງແນ່ນອນ.” (ຄຳເພງ 11:5, ລ.ມ.) “ການທັງຫຼາຍຂອງເນື້ອໜັງ [ຮ່ວມທັງ] ຄວາມຄຽດກັນ.”—ຄາລາຊີ 5:19, 20.

ການພະນັນ. “ຄົນໂລບ . . . ຢ່າຄົບກັນກັບຄົນຢ່າງນັ້ນ.”—1 ໂກລິນໂທ 5:11, ລ.ມ.

ຄວາມກຽດຊັງທາງເຊື້ອຊາດແລະເຜົ່າພັນ. “ຈົ່ງຮັກສັດຕູທັງຫຼາຍຂອງທ່ານ . . . ແລະອ້ອນວອນສຳລັບຄົນທັງຫຼາຍທີ່ກະທຳຮ້າຍແລະຂົ່ມເຫງທ່ານ.”—ມັດທາຍ 5:43, 44.

ສິ່ງທີ່ພະເຈົ້າບອກເຮົາແມ່ນເພື່ອເປັນປະໂຫຍດສຳລັບພວກເຮົາ. ມັນບໍ່ແມ່ນເລື່ອງງ່າຍສະເໝີໄປທີ່ຈະຫຼີກລ່ຽງການເຮັດສິ່ງທີ່ບໍ່ດີ. ແຕ່ໂດຍການຊ່ວຍເຫຼືອຂອງພະເຢໂຫວາແລະໂດຍການຊ່ວຍເຫຼືອຂອງເຫຼົ່າພະຍານຂອງພະອົງ ທ່ານສາມາດຫຼີກລ່ຽງການກະທຳໃນສິ່ງທີ່ພະເຈົ້າບໍ່ພໍພະໄທໄດ້.—ເອຊາອີ 48:17; ຟີລິບ 4:13; ເຫບເລິ 10:24, 25.