ພາກທີ 13
ເຮົາຕ້ອງເຮັດແນວໃດເພື່ອຈະເຮັດໃຫ້ພະເຈົ້າພໍໃຈ?
ຫຼີກໜີຈາກສິ່ງທີ່ບໍ່ດີ. 1 ໂກລິນໂທ 6:9, 10
ຖ້າວ່າເຮົາຮັກພະເຢໂຫວາ ເຮົາຈະບໍ່ເຮັດສິ່ງທີ່ພະອົງກຽດຊັງ.
ພະເຢໂຫວາບໍ່ຢາກໃຫ້ເຮົາລັກຂະໂມຍ ເມົາເຫຼົ້າຫຼືຕິດຢາເສບຕິດ.
ພະອົງກຽດຊັງການຂ້າຄົນ ການເອົາລູກອອກແລະການຮັກຮ່ວມເພດ. ພະອົງບໍ່ຕ້ອງການໃຫ້ເຮົາເປັນຄົນໂລບຫຼືຜິດຖຽງຕໍ່ສູ້ກັບຄົນອື່ນ.
ເຮົາຕ້ອງບໍ່ນະມັດສະການຮູບເຄົາລົບຫຼືເຊື່ອຖືຜີ.
ໃນໂລກທີ່ເປັນສວນອຸທິຍານທີ່ຈະມານັ້ນຈະບໍ່ມີຜູ້ໃດເຮັດສິ່ງທີ່ຊົ່ວຮ້າຍ.
ຈົ່ງເຮັດສິ່ງທີ່ດີ. ມັດທາຍ 7:12
ເພື່ອຈະເຮັດໃຫ້ພະເຈົ້າພໍໃຈ ເຮົາຕ້ອງພະຍາຍາມເປັນຄືກັບພະອົງ.
ເຮົາຄວນຈະສະແດງຄວາມຮັກຕໍ່ຄົນອື່ນໂດຍການເປັນຄົນກະລຸນາແລະເອື້ອເຟື້ອເຜື່ອແຜ່.
ເຮົາຄວນຈະເປັນຄົນສັດຊື່.
ຈົ່ງເປັນຄົນເມດຕາແລະໃຫ້ອະໄພ.
ບອກຄົນອື່ນໃຫ້ຮູ້ກ່ຽວກັບພະເຢໂຫວາແລະແນວທາງຂອງພະອົງ—ເອຊາອີ 43:10.