ພາກທີ 8
ຄວາມຕາຍຂອງພະເຍຊູມີຄວາມໝາຍແນວໃດສຳລັບເຈົ້າ?
ພະເຍຊູຕາຍເພື່ອເຮົາຈະມີຊີວິດ. ໂຢຮັນ 3:16
ຫຼັງຈາກພະເຍຊູຕາຍໄປໄດ້ສາມມື້ ຜູ້ຍິງບາງຄົນມາທີ່ບ່ອນມ້ຽນສົບຂອງພະອົງ ແລ້ວເຂົາເຈົ້າເຫັນວ່າບ່ອນມ້ຽນສົບນັ້ນວ່າງເປົ່າຢູ່. ພະເຢໂຫວາໄດ້ປຸກພະເຍຊູໃຫ້ກັບຄືນຈາກຕາຍແລ້ວ.
ຈາກນັ້ນພະເຍຊູກໍປາກົດແກ່ເຫຼົ່າສາວົກ.
ພະເຢໂຫວາໄດ້ປຸກພະເຍຊູໃຫ້ກັບຄືນມາມີຊີວິດເປັນກາຍວິນຍານທີ່ມີລິດເດດແລະເປັນອະມະຕະ. ສາວົກຂອງພະເຍຊູເຫັນພະອົງຂຶ້ນໄປໃນສະຫວັນ..
ພະເຈົ້າໄດ້ປຸກພະເຍຊູໃຫ້ຄືນມາຈາກຕາຍແລະແຕ່ງຕັ້ງພະອົງໃຫ້ເປັນກະສັດໃນລາຊະອານາຈັກຂອງພະເຈົ້າ. ດານຽນ 7:13, 14
ພະເຍຊູສະລະຊີວິດຂອງພະອົງເພື່ອຈ່າຍເປັນຄ່າໄຖ່ສຳລັບມະນຸດຊາດ. (ມັດທາຍ 20:28) ໂດຍທາງຄ່າໄຖ່ນັ້ນ ພະເຈົ້າເຮັດໃຫ້ເປັນໄປໄດ້ທີ່ເຮົາຈະມີຊີວິດຕະຫຼອດໄປ.
ພະເຢໂຫວາແຕ່ງຕັ້ງພະເຍຊູໃຫ້ເປັນກະສັດປົກຄອງແຜ່ນດິນໂລກພ້ອມກັບຄົນທີ່ສັດຊື່ 144.000 ຄົນເຊິ່ງຖືກປຸກໃຫ້ຄືນມາຈາກຕາຍໃນໂລກເພື່ອມີຊີວິດຢູ່ກັບພະອົງໃນສະຫວັນ. ພະເຍຊູແລະຊົນ 144.000 ຄົນລວມເຂົ້າກັນເປັນລັດຖະບານທີ່ຊອບທຳໃນສະຫວັນ ນັ້ນຄືລາຊະອານາຈັກຂອງພະເຈົ້າ.—ຄຳປາກົດ 14:1-3.
ລາຊະອານາຈັກຂອງພະເຈົ້າຈະຟື້ນຟູແຜ່ນດິນໂລກໃຫ້ເປັນອຸທິຍານ. ສົງຄາມ ອາດຊະຍາກຳ ຄວາມທຸກຍາກແລະຄວາມອຶດຫິວຈະບໍ່ມີອີກ. ຜູ້ຄົນຈະມີຄວາມສຸກຢ່າງແທ້ຈິງ.—ຄຳເພງ 145:16.